Matyu 18:24 - Udél Dwata: Gna Kesfasad ne Lomi Kesfasad

²⁴ Yó tanay nit le ebéléen yóm sotu tau mutóng deng hilu kati filak.

Matyu 18:24 Referans Kwoze

Kem Lingón 38:4

Denge kmifus lem salà, ne là bud gbeku mbô du yóm alì ksidek keblaten.

Kun Snulat Luk 16:5

Yó nmoen yóm tau là gulit yó, gotu tinoken yó kem tau tehe mutóng béléen bè kimu yóm gónóhen mogot. Sut bè yó yóm tanayen, monen mò du, ‘Hilu yóm kóm tehe nutóng bè yóm gónóhu mogot?’

Kun Snulat Luk 13:4

Ne bud yó kem sfolò wolu tau deng matay bè Silom,” monen, “gdilanen lu yóm gónô geta deng hugón. Bud yó kô kehedem ye du abay se alì bong yóm kul salà senta yóm salà yó kem dumu tau bè Jirusalim?

Kem Lingón 40:12

Tey dê yó kem mgel smibut dou, là kô gbekem msó kul. Deng gotu gfan ne yó kem salà deng nmou, ne ni là bud tngónu du kmò kehedemu. Ke nsóhu yó kem salau, bong wen senta yó kem dou balu wek. Yó mò dou, denge mom baling likò.

Kun Snulat Luk 16:7

Ne bud sut se yóm sotuhen, bud monen mò du, ‘Hilu yóm kóm tehe nutóng?’ Monen se, ‘Lemibu abì halay.’ Bud mon yóm tau hulung hemlan yó, ‘Ni dii listahem. Olom smulat wolu latu ne.’

1 Tutul Israél 29:7

Yóm kwen yó kem tahu blówón blay le ebè yóm Gónô Dwata hdà le, botong lematu wolu folò wolu libu kilu tahu blówón, ne sfolò libu botù filak blówónen, ne wen dô tlu latu hitu folò limu kilu blówón bukayen, ne wen dô nem latu hitu folò limu libu kilu tembagahen, ne wen dô tlu libu bud hitu latu limu folò kiluhen bala tók, gotu blay le ebè yóm Gónô Dwata hdà le.

Matyu 18:23

Abay se yóm kogot Dwata tau, hol lómón yóm sotu hningónu ni. Tehe yu ekni, wen sotu tau hol geta kun mtuk bayad bè yó kem tau gel mò nmò béléen.

Matyu 18:25

Okóm yóm tau ni koni, laen kô gónón ma mò bud bayaden du yóm tey utóngen yó. Yó tódô tô nmò yóm tau hol geta béléen, tódô tô hbaluen mò klifen, mung du yehenen ne kem ngaen, kkólen bè yó kem kimuhen mò mayad du yóm nutóngen.

Matyu 25:15

Tódô hogoten kul yóm bang kul gbek. Yó hogoten yóm tanayen, limu libu filak tahu blówón. Ne yó hogoten yóm tmodol, lewu libu. Yó hogoten yóm getluhen, lemibu. Ominen yó lemwót.

Matyu 25:16

Tódô kendel bud lemwót se kun yóm tau mogot limu libu nan e hból yóm kun. Ngangen efet bud limu libu se uléken.

Matyu 25:20

Ominen sut yóm tau tehe hnogoten limu libu, ne monen, ‘Tehe limu libu yóm hogotem dou, Sér. Ni sii yóm uléken, bud limu libu.’

Matyu 25:22

Ne bud sut yóm tau tehe lewu libu kun nogot, monen se kun, ‘Tehe lewu libu yóm hogotem dou, Sér. Ni sii yóm bud uléken, lewu libu.’

Matyu 25:24

Ominen sut yóm tau tehe mogot lemibu, mom yó monen mò yóm amohen, ‘Tngónu uu, Sér, tódô ket du snoloem. Tódô gel nutahem yóm là kóm hulu du, ne yóm là kóm leniteg du.

Tekang Kbuten 44:10

Yó bud mon yóm tau dók yó koni, “Tahu se yó, okóm olon yóm tau ma yóm tegayan nmò baling hesek, laen kô kul du yó kem dumu.”