Matyu 18:19 - Udél Dwata: Gna Kesfasad ne Lomi Kesfasad

¹⁹ Ni mò hol sù ye bè nawa ye. Anien ke tek lewu tau mni bè Dwata, ne deng ssotu nawa le mni du yóm hni le, tódô blay Mà bè longit kul yóm hni le béléen yó.

Matyu 18:19 Referans Kwoze

Matyu 7:7

Bud mon Jisas, “Ke wen hni ye bè Dwata, angat guta ye. Ke wen hnebel ye, tódô ton ye. Ke mbal ye gu bak sut, tódô wen hotun kuy.

Mark 11:24

Yó gónóm mon, ke wen hni ye bè Dwata, hol hentahu ye yóm kguta ye du, kaem angat dohò se kguta ye du.

Kun Snulat Jan 16:23

Bè yóm kdaw yó, là bud wen hni ye béléu ne. Tódô tulónu kuy ktahuhen,” mon Jisas, “balù kihu hni ye bè Mà hlan ye bè dou boluy, tódô blayen kuy.

Flipay 1:19

abay se tngónu angate gewà lan ye gel mutóm do bè kni ye, ne lan yóm Tulus Jisas Krays gel tmóbóng dou.

Matyu 21:22

Ke wen kehtahu ye, balù kihu hni ye bè Dwata, guta ye.”

Kun Snulat Jan 15:7

Okóm ke henek ye béléu ne ke tendo nô bè nawa ye udélu, balù kihu hni ye bè Dwata guta ye.

1 Jan 3:22

Balù kihu hni tekuy béléen, tódô blayen tekuy, abay se gel nimón tekuy yó kem kun hlau, ne gel nmò tekuy yóm gónón hyu nawan bélê tekuy.

Kul Nmò 12:5

Yóm igò Pitér nô lem blanggù, tódô hotu le nawa le mni béléen bè Dwata yó kem dumuhen hemtahu.

Kun Snulat Jan 15:16

Là kô yu du mélék do, ou se fen mélék kuy. Yó gónóhu mélék kuy mò hógówu anì hol ye mungu, yóm kbungu laen kô dù tul sónen. Ke ni se nmò ye, balù kihu hni ye bè Mà mlan bè dou boluy, tódô blayen kuy.

Kul Nmò 1:14

Ket kiwól le gel sbung bè yó na a mni bè Dwata. Wen se kem libun gel mung bélê le, dalang se ke Midi, Yê Jisas. Ne yó kem twoli Jisas, gel le mung snéen kul.

Matyu 5:24

nam na hlun tebel bè yó yóm dsuem, kendeli lemwót, mnihi seflifót bè yóm dumuhem seglius yó. Sok deng, ominem yó mulék nam e henfu demsù ebè Dwata.

Kul Nmò 6:4

anì yó laen dù tlek gónó me meglala bè yóm gel kni me bè Dwata, ne bè yóm gel ktulón me yóm kun udél.”

Kul Nmò 16:10

Tahu se. Lemwót bè yóm kna Pol, tódô me kendel htifes lemwót ebè Masdunya. Tódô dilô me yóm kun kóyô Dwata ke na me e hetngón yóm Tulón Hyu ebè yó kem tau bè yó.