Matyu 18:17 - Udél Dwata: Gna Kesfasad ne Lomi Kesfasad

¹⁷ Okóm ke là dog hnungolen kul, tódô gotu tulón ye yóm kdéen bè gónó le gel stifun yó kem Ju. Okóm ke là dogen hmungol balù yóm deng kwit ye du bè gónó le gel stifun yó kem Ju, hol lómón kmò ye ebéléen, lómón yóm kmò ye ebè yó kem tau là hemtahuhen bè Dwata, ne bè yó kem dumu tau gemsalà.”

Matyu 18:17 Referans Kwoze

2 Tisalunika 3:6

Yu kem dumu me setwoli, nim hlolò me kuy ni, hlan me bè boluy yóm gónó tekuy mogot Jisas Krays. Hol bê ye abay mung bè yó kem dumu ye hemtahu ke mduk le, ne ke kenbê le yóm tehe hlolò me kuy.

1 Kurin 5:9

Yóm tehe sotu ksulatu ebélê ye, tehe monu bê ye segbót bè yó kem tau gel mò samuk.

Isra 6:21

Són gbót mken bè yó, són yó kem tau Israél tehe negef deng bud mulék ne yó kem tau Israél deng knogol le yóm gel nmò yó kem tólóng tau hmilol kul yóm kenbê Dwata bélê le, ne deng le bud semfulék tmaba ebè Dwata yóm sana kul Dwata hol gónó le mogot yó kem tau Israél.

1 Timuti 6:5

Tendo mit skaf stulón bè yó kem tau là buden btol kehedem le, là bud lolò le du ne kul yóm ktahuhen. Bè kul kehlan du, yóm kul kehtahu mò lan baling kwasa.

Kun Snulat Luk 15:1

Sotu kdaw bè yó, tey dê tau gel mtuk bwis ne yó kem dumu tau gemsalà sembung ke Jisas na a hmungol yóm ktoloken.

Matyu 11:19

Bè yóm deng kkól yóm Ngà Tau, gel mken se kun ne gel minum lómón se yóm kuy. Okóm mom senlón ye, gel mon ye, ‘Ngem dé yóm tau yóó, bong kkenen, ne bong kinumen. Deng mom niten swè yó kem tau gel mtuk bwis ne yó kem dumu tau gemsalà.’ Ewenem,” mon Jisas, “sana kegfanen bè klowil yóm tau mimón yóm khulung Dwata mit tau.”

Kun Snulat Luk 18:11

Tódô mdà yóm Farisi yó tek sotuhen, ne mni bè Dwata, monen, ‘Tey hyu nawahu dou, Dwata, abay se là mkéle bè yó kem dumu tau, lómón yó kem tau sbì, ne yó kem tau mò kéng, ne yó kem tau mdà yehen. Ne tey hyu nawahu abay se là mkéle bè yóm tau fen gel mtuk bwis yóó.

Matyu 5:46

Bê ye abay tô hendón ke wen ofol blay Dwata kuy ke són yó olo kenbong nawa ye, són yó kem tau kembong nawa kuy. Balù yó he kem tau gel mtuk bwis, sana kul kesbong nawa se kul.

Matyu 6:7

Bè yóm kni ye, omin he ke alì sensulit ye udél ye lómón yóm kul gel nmò yó kem tau hemtahu bè yóm dwata kéng. Ofo kul ke yó gónón hmungol kul yóm kul dwata ke bè yóm ktahà kni le.

Matyu 10:3

Omin le Filip ne Bartulumyu, ne Tumas, ne Matyu yóm tau gel mtuk bwis. Ne yóm sotu Jim ngà Elfiyus, ne Tediyus,

1 Kurin 6:1

Kesok wen gónó ye seglius bè yó kem dumu ye hemtahu, moen de ke gel hkukum ye yó kem tau là hemtahuhen? Mò ye là tódô mit du ebè yó kem tau Dwata mò fen kmukum du bélê ye?