Matyu 18:15 - Udél Dwata: Gna Kesfasad ne Lomi Kesfasad

¹⁵ “Ke wen gónón gemsalà béléem yóm dumuhem hemtahu, tódói mógów ebéléen, ne sentulón ye són yu lewu ye yóm salaen béléem. Ke hnungolen uu, bud mulék hyu yóm keswè ye.

Matyu 18:15 Referans Kwoze

Hlolò 19:17

Bê ye senmò knutó nawa kem dumu ye. Ke uu yóm sotu tau knutó nawahen gu lem kem dumun, yó nmoem miti sefyu béléen bè yóm gónó ye seglius anì là gemsalai bè Dwata lemwót béléen.

Kulasi 3:13

Yake hol ye sadat dé, ne hol ye seflifót ke wen gónó ye seglius. Lómón yóm deng kehlifót yóm gónó tekuy mogot yóm kut salà, hol lómón yó se kmò keseflifót tekuy.

Glasya 6:1

Ó kem dumuhu setwoli, ke wen ton ye sotu bè yó kem kuy dumu hemtahu wen gónón btang bè kloloen ke Dwata, hol hen-ganag ye nawa ye tmóbóng du, yu kem tau gulit kloloen du yóm Tulus Dwata, anì mulék hyu se kun. Okóm eles ten-gama ye, kô wen gónó ye gsindil se kuy.

2 Tisalunika 3:15

Là kô hnohon ye du dé, okóm lómó kmò ye ebéléen ke mudél ye ebè kem dumu ye hemtahu.

Matyu 18:35

Bud mon Jisas, “Lómón sem ni ne angat nmò Mà bè longit bélê ye ket kuy ne sotu ke là tahu hnifót ye yó kem dumu ye gemsalà bélê ye.”

Kem Lingón 141:5

Mom hyu he ke yó dmofì do yóm tau tedeng kmoen. Wen gónón hyu béléu se yó. Ke wen bnólów le béléu, hol lómón ke henged bulung bè lówóhu. Hol tnóbóngem o anì là gekbéu du. Okóm sónmou gel mni du bè Dwata anì hensengen yóm sidek gel nmò le, ne anì hensengen se yó kem tau mò du.

Sulat Pol Ebè Yó Kem Tau Hemtahu Bè Rom 12:21

Ke sidek nmò kem dumu ye bélê ye, bê ye bud bnalà sidek. Bnalà ye hyu anì là gemmoen yóm sidek.

1 Pitér 3:1

Senged se kuy kem libun deng myehen. Hol gel nimón ye tuha logi ye, anì yó ke wen bélê le là hemtahu du yóm Udél Dwata, angat gwit ye lu tódô hemtahu lemwót bè yóm kton le yóm hyu kmò ye, baluen ke là bud wen udél ye ebélê le.

1 Kurin 8:12

Ke lómón yó kmò tekuy, deng wen salà tekuy bè Krays ne, lanen wen salà tekuy bè yóm dumu tekuy hemtahu yó koni. Igoen tolo megewu kehedemen du, igò tekuy sembeweg du.

Kem Udél Hlalak Tehe Selumun 11:30

Lemowil béléen kem dumu tau yóm tau tedeng kmoen ne yóm tau hulung hedem niten ebè Dwata kem dumun.

2 Kurin 7:12

Duhen yó, bè yóm gna sulat hwitu ebélê ye, là olohen yóm tau mò sidek hendemu, duhen ke olon yóm tau gónón mò du. Okóm yó dé gónóhu smulat du mò gónón gfan yóm tahu nawa ye ebélê me. Tódô ton Dwata yóm hol ktahuhen nim monu ni.

1 Tisalunika 4:6

Kóyô Dwata ke là nulé ye du ni kem monu ni koni, anì laen dù gónó ye sgulé bè kem dumu ye. Deng tehe tulón me kuy se nim ni, ne deng tehe eles hetgama me kuy yóm ktafak yóm gónó tekuy mogot yó kem tau mò du.

Matyu 18:14

Senged se knawa yóm Mà tekuy bè longit. Là kóen móyô ke sotu bè yó kem ngà lómón ni ke tô lana bè soluhen.”

Matyu 18:21

Omin Pitér mógów ebè Jisas, wen snólóken béléen, monen, “Ó Sér, ke sónmoen gemsalà béléu yóm dumuhu, hilu duléku de hmifót du? Hitu duléku kô?”

Taytus 3:10

Ke wen tau gel hesgólólen nawa kem dumuhen tau, bnólówem. Ke là himónen, bud budem mólów du. Okóm ke là hdonen, béen bud hegbool bélê ye.