Matyu 18:13 - Udél Dwata: Gna Kesfasad ne Lomi Kesfasad

¹³ Bè yóm ktonen du, tey kligalen. Tódô tulónu kuy ktahuhen, tey bong he kligalen du yóm sotu lana deng tonen senta yó kem syóm folò syóm là lanahen.

Matyu 18:13 Referans Kwoze

Sulat Jim 2:13

Bè yóm angat kkukum Dwata tau, là kô nan e knodu du yóm tau tehe là knoduhen kem dumun. Okóm yóm tau tehe knoduhen kem dumuhen, laen dù knikoen bè yóm kdaw yó, abay se là kô tnafak Dwata du.

Sifanaya 3:17

Yakà dengen nô bélê ye yóm sana kuy Dwata hol gónó mogot. Tey wen kfasangen lemwà kuy bè yó kem hohon ye. Tey angat kehligalen bélê ye. Lemwót bè kbong nawahen kuy, gotu kóhen bélê ye yóm dê knikò ye. Lemwót bè yóm tey kligalen bélê ye gónón tódô hewót semngal.

Mika 7:18

Laen kô dù dumu Dwata mkél kóm. Uu se yóm Dwata hmifót salà yó kem dù tauhem mowil. Sal gel wen sónen yóm kebutem tau, abay se yó hol nô bè nawahem yóm kkoduhem kul.

Isaya 53:11

Kogol yóm alì keglayamen bè yóm klowilen te tonok, angat bud mulék ebéléen yóm tey kligalen. Ne tódô tngónen là kóen gamà hkawang yóm tehe keglayamen, wen uléken. Tey gulit yóm tóbóng lówóhu ne tey kehyu nawahu béléen. Fen nbóen yóm kegtafak tau. Lemwót bè yóm nmoen, yó se mò lanu hmifót salà.

Kem Lingón 147:11

Okóm tey hligal bè yó kem tau wen klikò le du, yó kem tau gentud nawa le yóm là konol yóm kbong nawahen kul.

Isikél 34:4

Là kô dog ten-gel ye kul yó kem lunog. Là se kô bnulung ye kul yó kem wen desen. Là kô dog bnaus ye kul yó kem tfok bélê le. Là se kô hnebel ye kul yó kem deng tabag dalang se yó kem deng tlas. Deng mom yó nmò ye, tendo danda dók ye lu ne lel ye hemsidek kul.

Matyu 18:12

Mò kehedem ye du se kuy? Ke wen tau mfun lematu ubiha, mò kmoen du de ke sotu lana bélê le? Ngem kà nan na tebel du yó kem syóm folò syóm bè yóm gónón hótób kul talak bilil nan e hnebel yóm sotu tabag bélê le.

Matyu 18:14

Senged se knawa yóm Mà tekuy bè longit. Là kóen móyô ke sotu bè yó kem ngà lómón ni ke tô lana bè soluhen.”

1 Kurin 13:6

Ke wen kesbong tekuy nawa, tey sidek keblat nawa tekuy ke wen sidek nmò kem dumu tekuy, okóm tey kehligal tekuy ke lolò le yóm ktahuhen.