Matyu 18:12 - Udél Dwata: Gna Kesfasad ne Lomi Kesfasad

¹² Mò kehedem ye du se kuy? Ke wen tau mfun lematu ubiha, mò kmoen du de ke sotu lana bélê le? Ngem kà nan na tebel du yó kem syóm folò syóm bè yóm gónón hótób kul talak bilil nan e hnebel yóm sotu tabag bélê le.

Matyu 18:12 Referans Kwoze

Isikél 34:12

Yóm nmou bélê le, hol lómón yóm tau gel semgyok ubiha, gotu bud hnebelen yó kem ubiha deng sekla. Angat bud nebelu lu yó kem dou ubiha deng sekla ne lenwau lu gu bè yó kem benwu deng gónó le e sekla bè yóm gnan kdaw alì sidek kget kkifuhen.

Isikél 34:16

Angat bud nebelu lu yó kem deng lana, nwitu lu semfulék yó kem deng tabag. Bnausu ke wen tfok bélê le ne hekgisu yó kem lunog. Okóm yó kem deng mabù ne kemgis bélê le, gotu genlau lu. Ou se yóm semgyok ubiha tedeng kkukumen.

Isikél 34:28

Là bud hnamfas le kul ne yó kem tólóng benwu, dalang se yó kem ógóf lem bnes là bud nsék le kul. Angat tey menek kbenwu le, laen dù bud hmikò kul.

Isikél 34:6

Deng le gotu tabag gu lem bulul ne. Deng le gotu sekla bè klamangen ne laen kô dù tau mebel kul.

Isaya 53:6

Yóm kdê tekuy, hol tekuy mkél bè ubiha tabag. Tódô sotu kun lemolò kun kóyô. Okóm du fen mbô yóm tafak Dwata hol knóón bélê tekuy.

1 Pitér 2:25

Gu laan ye là deng hemtahu he, lómón tô ye ubiha gel mógów hetlas. Okóm ni, deng bud niten yu mulék ebè Dwata ne. Du se yóm tendo semgyok ne tendo mentey kuy.

Matyu 12:11

Bnalà Jisas se lu, monen, “Tedu kmò ye du se kuy ke kulel kebtangen lem sol ngelem yóm ubiha ye bè Kdaw Kehegnô, là henmung nalu ye du kô?

Kem Lingón 119:176

Denge tabag lómón ke yóm ubiha lana, géhél hnebelem ou, yóm tau tóbóng lówóhem, abay se là kô naw e klifót kul yó kem hlauhem.

Matyu 21:28

Omin Jisas bud mon du mò kul, “Tedu de kmò kehedem ye du nim nii? Wen sotu tau lewu ngaen logi. Lemwót yóm mà le, mógów ebè yóm ngaen twogu, ne monen mò du, ‘Ó ngà, nam e mò kut nmò bè gónó mulu grép dé kemdaw ni.’

1 Kurin 10:15

Tngónu se tey ye tau hulung hedem, gbek ye hemdem du lanen ni kem benkóhu ni.

Matyu 22:42

“Tedu kuy kmò kehedem du yóm Misaya? Gónón gu semfu du?” Mon le se, “Semfu gu bè Dabid.”

1 Bok Kem Tau Hol Geta 21:17

Omin Dwata mon du mò ke Ilaydya yóm tau lemwót bè Tisbi,

Isikél 34:4

Là kô dog ten-gel ye kul yó kem lunog. Là se kô bnulung ye kul yó kem wen desen. Là kô dog bnaus ye kul yó kem tfok bélê le. Là se kô hnebel ye kul yó kem deng tabag dalang se yó kem deng tlas. Deng mom yó nmò ye, tendo danda dók ye lu ne lel ye hemsidek kul.

Matyu 18:13

Bè yóm ktonen du, tey kligalen. Tódô tulónu kuy ktahuhen, tey bong he kligalen du yóm sotu lana deng tonen senta yó kem syóm folò syóm là lanahen.