Matyu 18:11 - Udél Dwata: Gna Kesfasad ne Lomi Kesfasad

¹¹ Yó hol nógówen elem benwu yóm Ngà Tau, nan e tnóbóng yó kem tau deng lana.

Matyu 18:11 Referans Kwoze

Kun Snulat Luk 19:10

Ni se yóm hol henduf yóm Ngà Tau,” mon Jisas, “nan e hnebel lu yó kem tau deng tlas anì gewà le lem salà le.”

Matyu 18:12

Mò kehedem ye du se kuy? Ke wen tau mfun lematu ubiha, mò kmoen du de ke sotu lana bélê le? Ngem kà nan na tebel du yó kem syóm folò syóm bè yóm gónón hótób kul talak bilil nan e hnebel yóm sotu tabag bélê le.

Matyu 9:12

Mung kungol Jisas du yóm mon le yó, yó gónón mon du mò kul bede hningónen, “Yóm tau ke laen dù desen, là kô snoloen du kun yóm tau mulung. Són yóm tau wen desen mebel yóm tau mulung.

Matyu 10:6

Yó gónó ye e mógów ebè tu kem kwen tekuy tau Israél, abay se hol lómón tô le ubiha tabag.

Matyu 15:24

Omin Jisas mudél ebè yóm libun, monen, “Tek són ebè yó kem tau Israél gónó Dwata e hógów dou, yakà mkél le bè yó kem ubiha tabag.”

Kun Snulat Luk 9:56

Ne tódô le hlós ebè yóm sotu benwu.

Kun Snulat Luk 15:24

Abay se nim ngau ni, lómón ke deng matay, okóm deng bud mowil. Deng tehe hlana, okóm deng bud hton.’ Ne tahu se, nbut le bè yó ne hligal.

Kun Snulat Luk 15:32

Bê tekuy tô là hligal, abay se yóm twolihem, lómón ke deng matay, okóm deng bud mowil. Deng tehe hlana, okóm deng bud hton.’ ”

Kun Snulat Jan 3:17

Là kô yó du gónó Dwata hógów yóm Ngaen elem benwu ke nan e tnuled kem tau. Okóm yó gónón hógów du mò lemwà kul gu lem hatay.

Kun Snulat Jan 10:10

Bong yó dum tau mnagaw, yó se kun gel nógów na a mnagaw, na a hmatay, ne na a gemlà. Okóm yó dou nógów, naw e benlay yu klowil, yóm klowil hol tahu gsengel nawa ye du.

Kun Snulat Jan 12:47

Ke wen tau hmungol du yóm toloku, ne là nimónen du, là kô ou du angat tmuled du. Abay se sundu yó du nógówu elem benwu ke naw e tmuled kem tau. Okóm yó dé nógówu anì naw e lenwà lu gu lem hatay.

1 Timuti 1:15

Là kô olo ulóben du se nim monu mò kóm ni, Timuti, hol béen tlek wen tau hmingay du. Yó hol henduf Krays Jisas edini elem benwu anì wen lanen lemwà yóm tau gemsalà. Ne bè kdéen tau gemsalà, ou yóm tau alì gedlug salà nmoen,