Matyu 18:1 - Udél Dwata: Gna Kesfasad ne Lomi Kesfasad

¹ Bè yóm kdaw yó, mógów le ebè Jisas yó kem gel lemolò du, snólók le béléen, mon le, “Tau du se hol geta bè yó kem tau nogot Dwata?”

Matyu 18:1 Referans Kwoze

Flipay 2:3

Béen abay wen nmò ye ke mlan bè kehegeta knô, duhen ke mlan bè kehton dóyón. Okóm yó dé hyu ke heglaan ye bè kem dumu ye. Yó dé kmò kehedem ye kul, lu geta senta ye.

Matyu 23:11

Yóm tau hol geta bélê ye, yake yó dé kmoen lem blóng ye, lómón ke du yóm tau gel mò nmò bélê ye.

Sulat Pol Ebè Yó Kem Tau Hemtahu Bè Rom 12:10

Kdê ye deng hemtahu, hol ye sbong nawa. Hol ye gel sadat.

Matyu 7:21

“Là kô kdéen du yó kem tau mon du ou yóm gónó le mogot, angat gmung bè yó kem tau nogot Dwata,” mon Jisas. “Tek són olo gmung yó kem tau mimón yóm kun kóyô yóm Mà bè longit.

Matyu 3:2

“Hegsel ye ne, knogol ye ne yó kem sidek gel nmò ye, yakà móyónen hto ne yóm buteng Dwata mogot tau.”

Matyu 18:2

Bè yóm kbalà Jisas kul, wen ngà tnabahen ebéléen, hdaen lem blóng le,