Matyu 17:9 - Udél Dwata: Gna Kesfasad ne Lomi Kesfasad

⁹ Bud kewót le bè yó, mulék le mosol. Tey kget kmon Jisas du mò kul, “Hol bê ye tagad tulón yóm deng ton ye yó koni ke là nan na mowil yóm Ngà Tau.”

Matyu 17:9 Referans Kwoze

Mark 8:30

Ne tey mget kmon Jisas du mò kul, “Hol bê ye abay tulón yóm mon ye yó.”

Kun Snulat Luk 8:56

Ya tey ketnga yó kem tuhahen. Okóm tey mget kmon Jisas du mò kul, “Hol bê ye abay tulón yóm deng nmou bélê ye ni.”

Matyu 17:23

mò hfatay le. Okóm bè getluhen kdaw, bud hlowil Dwata.” Bè yóm ktulón Jisas du kul nim ni, ya tey sidek keblat nawa le du yó kem gel lemolò du.

Matyu 17:12

Okóm tódô tulónu kuy,” mon Jisas, “deng sut se Ilaydya, okóm laen kô dù tau dmilô du. Tódô nmò le béléen yóm kul knóyô. Senged se yóm angat nmò le bè yóm Ngà Tau, angat tey kehlayam le du.”

Matyu 8:20

Mom yó balà Jisas du, monen, “Wen lefunges kul gel nulék yó kem bolos, ne mdengen kul sala yó kem onuk koyu, okóm yóm Ngà Tau, laen dù mdengen gónóhen hegnô.”

Matyu 8:4

Mon Jisas mò du, “Hol béem abay tulón yóm deng nmou béléem ni. Tódói hekteng mógów ebè tum tau gel demsù ebè Dwata, nam e hetngel du lówóhem. Elesi se mit mò dsuem anì nmoem yóm sotu hlau Musis ekni mò gónó le milô du kem dumu tau yóm deng kkó yóm desem.”

Matyu 12:16

Ne tey kget kehlauhen kul anì là tulón le du bè dumu tau yóm deng nmoen bélê le.

Matyu 17:8

Omin le tukóng eta, laen kô dù bud tau ton le, tek són Jisas.

Matyu 17:20

Mon Jisas se, “Abay se tolo udì kehtahu ye. Tódô tulónu kuy ktahuhen, ke bnotù tekuy yóm kehtahu ye, anien ke olon senged bè kutit yóm lem hulu boluyen mustard, botong gbek ye tódô mon du bè yóm bulul nii, ‘Milihi etuu.’ Nénégem kà tódóen mili. Laen kô dù là gbek ye du.

Matyu 17:22

Sotu kdaw bè yó, gotu le stifun bè Galili yó kem gel lemolò ke Jisas, ne mon Jisas mò kul, “Angat blay le elem tdok yó kem tau yóm Ngà Tau

Kun Snulat Luk 9:36

Tikóng teflok yóm udélen yó, tek són Jisas dù ton le mdà bè yó. Bè yóm kmoen yó, laen kô dù tau gónó le tmulón du yóm deng ton le yó.