Matyu 17:6 - Udél Dwata: Gna Kesfasad ne Lomi Kesfasad

⁶ Bè yóm kungol le yóm udél yó, tódô le gotu hegluduk lemfen bè tonok yó kem tau mung ke Jisas, ya tey sidek klikò le.

Matyu 17:6 Referans Kwoze

2 Pitér 1:18

Deng gungol me se kum yóm udél Dwata gu bè longit yó bè yóm tehe kmung me ke Jisas ebè yóm bulul gónó Dwata hloni ebéléen.

Kul Nmò 26:14

Tódô me gotu gdouf bè tonok yóm kdê me. Ne gungolu se yóm mudél ebéléu bè udél Hibru, monen, ‘Ó Sol, Ó Sol, moen de ke alì hnayamem ou? Là kô gbekem tô matù du yóm dou knóyô.’

Kul Nmò 22:7

Ne tódóe gdouf bè tonok, sen-geng gungolu se yóm mudél, monen, ‘Ó Sol, Sole, moen de ke alì hnayamen ou?’

Danyél 8:17

Yóm igò Gabrél hloni ebè yóm gónóhu mdà, ya tey sidek klikou, botonge gefen bè tonok. Ominen mudél ebéléu, monen, “Ó Ngà Tau, ni hol tennefem. Yó kem deng tonem yó, hnigaden yóm angat kmoen bè hol són kdaw.”

Isikél 3:23

Tahu se, mógówe etu bè datal ne bè yó bud tonu yóm tey keklóón Dwata, hol lómón kmoen lómón yóm tehe ktonu du ditu bè kilil Él Kibar. Botonge gefen bè tonok yóm ktonu du.

1 Tutul Israél 21:16

Temngel eta Dabid, ne tonen yóm hógów Dwata gu bè longit tódô mdà bè gónón sóól tonok ne longit. Wen sudeng ayayen eta Jirusalim. Yó nmò Dabid ne yó kem dumu tau gel malak yó kem tau Israél, lemsek le nes sakù mò gónó le hegfan yóm deng kebà nawa le, omin le lemfen bè tonok.

Kmukum 13:22

Yó mon Manu mò ke yehenen, “Bang katay te ni abay se deng ton te Dwata.”

Kmukum 13:20

Yóm igoen dmilóf eta yóm ofi lemwót bè yóm gónô Manu demsù, tódô ton le Manu ne yehenen yóm hógów Dwata yó koni haway etta bè longit, mung bè dilóf ofi efet tódô lana lem mata le. Timbow tngón le hógów Dwata gu bè longit yóm tau yó koni, tódô le hegluduk bè tonok lewu le yehenen. Ne là bud ton le du ne yóm hógów Dwata yó.

Matyu 17:5

Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”

Matyu 17:7

Okóm mógów ebélê le Jisas, ne nenoken lu, ne monen mò kul, “Mdà ye dé. Bê ye mom hlikò.”