Matyu 17:3 - Udél Dwata: Gna Kesfasad ne Lomi Kesfasad

³ Ne tódô hetnga ton le se Musis ne Ilaydya, stulón le ke Jisas.

Matyu 17:3 Referans Kwoze

Kun Snulat Luk 24:44

Omin Jisas yó bud mon du mò kul, “Yóm deng katayu lem blóng ye, ne yóm bud klowilu, ni se yóm tehe deng gel tulónu kuy bè yóm hanà tolo knóu lem blóng ye. Nan na gotu dohò etahu he kdê yó kem tehe deng snulat Musis, dalang se yóm kul tehe gel snulat yó kem dumu gna tugod Dwata kkólen bè yóm tehe snulat le bè yóm bok Lingón.”

Mark 9:4

Ne tódô hetnga ton le se tehe Ilaydya ne Musis, stulón le ke Jisas.

Malakay 4:5

Ngem, gu laanen là deng sut yóm kun kdaw ktafak yóm sana Dwata hol gónó mogot, angat wen hwitu elem blóng ye duhen Ilaydya yóm sotu tau tugodu.

Kun Snulat Luk 24:27

Ne gotu hetngón Jisas kul yóm gónón e temnef yóm tehe gel hsulat Dwata ekni gbak ebéléen, kewóten bè yóm tehe snulat Musis efet kól bè yóm kul snulat yó kem dumu tau tugod Dwata ekni.

Kun Snulat Luk 16:16

Gu laanen là deng sut yóm Jan gel mabtays,” mon Jisas, “són yó gel hlolò le yó kem tau, són yó kem tehe hlau Musis, ne són yó kem tehe snulat yó kem gna tugod Dwata. Okóm bè yóm deng ksut Jan, nbuten bè yó ne wen Tulón Hyu hetngón le gbak ebè yóm kmò kogot Dwata tau. Bè yóm kungol le du yó kem tau, hotu le gel le anì gmung le.

Kun Snulat Luk 9:33

Timbow le skó ke Jisas yó kem lewu tau yó, hebkó mudél ebéléen Pitér, monen, “Tey hyu ni, Sér, deng me nô bè ni. Hdà me tlu lowig bè ni, sotu kóm, sotu ke Musis, ne sotu se ke Ilaydya.” Okóm là kô tngón Pitér du yóm monen yó.

Kun Snulat Luk 1:17

Du se tukô gna yóm gónó ye mogot, ne tey kfasangen, hol lómón yóm tehe kfasang Ilaydya yóm sotu tugod Dwata ekni. Lemwót bè yóm ktoloken, bud gónón sulék nawa yó kem tuha ne yó kem ngà le. Kkólen bè yó kem tau là mimón ke Dwata, gotu le bud himón, baling skél kehedem le yó kem tau tedeng knawa le. Lemwót béléen gónó le eles getgama yó kem kun tau Dwata bè yóm angat ksut yóm gónó le mogot.”

1 Bok Kem Tau Hol Geta 17:1

Wen sotu tugod Dwata boluyen Ilaydya lemwót bè Tisbi yóm sotu benwu snakuf Gilyad. Sotu kdaw, yó monen mò ke Ahab, “Mlan bè boluy yóm Dwata là matayen yóm Dwata yó kem tau Israél, yóm Dwata gel hógów do, wen tulónu kóm. Nbuten ni, laen dù amù duhen ke kulón lem yóm hilu halay efet bud monu mò kóm.”

Dwata 34:10

Laen dù dumu tugod Dwata bè yó bè Israél ke mkél ke Musis, yóm tódô kessuyó le Dwata ke gel le stulón.

Dwata 18:18

Angat wen tau mò tugodu hwitu elem blóng le lemwót bè kul kwen ne yóm kun nmò hol skél bè yóm kóm nmò. Angat tulónu yóm tugodu yó yóm mò angat monen ne angat gotu tulónen yó kem tau Israél yó kem dou hlau kul.

Kun Snulat Jan 1:17

Bè yóm tehe keblay Dwata yóm hlau ekni, hlanen bè Musis. Okóm bè yóm kehegfanen du yóm hol klinggel nawahen ne yóm hol ktahuhen, hlanen bè Jisas Krays.

Matyu 17:2

Bè yóm knô le bè yó, tódô sfili kton le ke Jisas. Yóm lem uyóhen hol lómón nóng mata kdaw, ne yóm nesen tódô gotu sminang bukay.

Matyu 17:4

Mung tódô kudél Pitér ebè Jisas, monen, “Hyu ni, Sér, deng me nô bè ni. Ke móyói, hdae tlu lowig, sotu kóm, sotu ke Musis, sotu se ke Ilaydya.”