Matyu 17:22 - Udél Dwata: Gna Kesfasad ne Lomi Kesfasad

²² Sotu kdaw bè yó, gotu le stifun bè Galili yó kem gel lemolò ke Jisas, ne mon Jisas mò kul, “Angat blay le elem tdok yó kem tau yóm Ngà Tau

Matyu 17:22 Referans Kwoze

Matyu 16:21

Nbuten bè yó ne, tódô gel hnakang Jisas tmulón du bè yó kem gel lemolò du yóm angat keglayamen, monen, “Là gbeku du ke là mógówe ebè Jirusalim. Bè yóm kkólu bè yó, angat hnayam le o yó kem tuha gónó tekuy gel galak, ne yó kem tau geta gel demsù ebè Dwata, ne yó kem tau gel tmolok hlau. Ngang le mò du efet hfatay le ou. Okóm bè getluhen kdaw, angat bud hlowil Dwata o.”

Mark 8:31

Nbuten bè yó ne tendo ktolok Jisas yó kem gel lemolò du, monen mò kul, “Là kô gbeken du ke là nan na hol glayam yóm Ngà Tau. Angat senkbê yó kem tuha gónó tekuy gel galak, ne yó kem tau hol geta gel demsù ebè Dwata, dalang se yó kem tau gel tmolok hlau. Ngang le mò du efet hfatay le. Okóm angat bud hlowil Dwata bè yóm getluhen kdaw.”

Matyu 17:23

mò hfatay le. Okóm bè getluhen kdaw, bud hlowil Dwata.” Bè yóm ktulón Jisas du kul nim ni, ya tey sidek keblat nawa le du yó kem gel lemolò du.

Kun Snulat Luk 24:46

yó monen mò kul, “Yó tehe snulat le, mon le, ‘Nan na glayam yóm Misaya, bede angat bud mowil bè getluhen kdaw.

Kun Snulat Luk 24:26

Deng tehe eles tulón le yóm nan na keglayam yóm Misaya, omin Dwata yó he hegeta du.

Kun Snulat Luk 9:22

Ne yó bud tulón Jisas kul, monen, “Nan na hol glayam he yóm Ngà Tau. Angat senkbê yó kem tuha gónó tekuy gel galak, ne yó kem tau hol geta gel demsù ebè Dwata, dalang se yó kem tau gel tmolok hlau. Ngang le mò du efet ghatay le. Okóm angat bud hlowil Dwata bè yóm getluhen kdaw.”

Kul Nmò 7:52

Tulón ye do kun,” mon Stéfén, “ke wen sotu tehe tugod Dwata là deng tehe hensidek kem tehe fù tekuy du ekni. Sal tehe gel hnatay le yó kem tau hógów Dwata, yó kem tau tehe gel tmulón yóm angat ksut yóm tau tedeng hógów Dwata. Ne deng sut se yóm hógów Dwata yó, duhen tu sem le eted ye elem tdok yó kem tau mogot kukum. Yu se yóm fen le hbonok du.

Matyu 26:46

Ngem yó dé yóm tau mlay do sumóng. Btik ye ne, na tekuy e senlong.”

Matyu 24:10

Bè yóm kdaw yó, angat tey dê tau knogol le kehtahu le. Ne knutó nawa le yó kem dumu le hemtahu, ne glef le ne hekfô kul.

Matyu 16:28

Tódô tulónu kuy ktahuhen, angat wen he bélê ye bè ni gmafit mton du yóm bud kesfuléken edini yóm Ngà Tau mò kmamal yóm klamangen.”

1 Kurin 11:23

Deng tehe toloku kuy yóm deng gna dnalangu lemwót bè yóm gónó tekuy mogot. Bè yóm tehe kifu kekfô le du, wen mambang gna nwa yóm gónó tekuy mogot Jisas,

Matyu 26:16

Tódô lenwóten bè yó ne, sónmò Judas mebel lanen malak kul ebè Jisas.

Matyu 17:9

Bud kewót le bè yó, mulék le mosol. Tey kget kmon Jisas du mò kul, “Hol bê ye tagad tulón yóm deng ton ye yó koni ke là nan na mowil yóm Ngà Tau.”

Matyu 17:12

Okóm tódô tulónu kuy,” mon Jisas, “deng sut se Ilaydya, okóm laen kô dù tau dmilô du. Tódô nmò le béléen yóm kul knóyô. Senged se yóm angat nmò le bè yóm Ngà Tau, angat tey kehlayam le du.”

Kun Snulat Luk 9:43

Ya tey ketnga le du yó kem tau yóm tey kfasang Dwata deng ton le. Yóm igò le semftaw du yó kem tau yóm kdê gel nmò Jisas, yó bud mon Jisas ebè yó kem gel lemolò du, monen,