Matyu 17:21 - Udél Dwata: Gna Kesfasad ne Lomi Kesfasad

²¹ Okóm yóm tulus seitan malak yóm ngà yó koni, tek sotu hdó du, tek són yóm kni ye bè Dwata, mung du yóm kfasting ye.”

Matyu 17:21 Referans Kwoze

Mark 9:29

Mon Jisas se, “Tek sotu hdó du yóm busaw lómón yó, tek són yóm gel kni ebè Dwata.”

Matyu 17:22

Sotu kdaw bè yó, gotu le stifun bè Galili yó kem gel lemolò ke Jisas, ne mon Jisas mò kul, “Angat blay le elem tdok yó kem tau yóm Ngà Tau

1 Bok Kem Tau Hol Geta 17:20

Omin Ilaydya hgel du knihen, monen, “Ó Dwata yóm dou hol gónó mogot, moen du ke nmoem bè nim libun bolu ni nim tey gbunù ni? Igoen hnô do bè gónóen, ne ni deng mom matay yóm ngaen logi?”

Danyél 9:3

Yó gónóhu tódô smolu ebè yóm sana kum Dwata hol gónó mogot hkoduhe béléen, balù udì ke mkene bè yóm kehkoduhu yó lelu mnes sakù, tódóe myón lem kohù bè yóm klangagu.

Matyu 12:45

Ominen na tódô bud lemwót, nan e nangay hitu dumuhen bud nô bè yó, bede yóm alì sidek egem le sentahen. Tikóng le deng kól, tódô le husek bè yóm tau gónó le nô. Yó gónóm mon, mom mkay senta yóm gna tehe alì ksidek kegnómen du. Lómón yó se yóm angat gfà le yó kem tau gel mò sidek nim kmoen ni.”

Kul Nmò 13:2

Sotu kdaw bè yó, fasting le. Bè yóm igò le mni, tódô stulón bélê le yóm Tulus Dwata, monen, “Hetfing ye do Barnabas lewu le Sol. Wen hmou kul.”

Kul Nmò 14:23

Tódô ket yó kem benwu gónó le tehe tmolok, sal gel wen kem tau tuha nélék le mò fen malak yó kem tau hemtahu bè yó. Sok deng gel kélék le kul, glok le fasting, ne mni le bélê le bè Dwata, ne hogot le lu bè Jisas, yóm gónó le mogot deng snalig le.

1 Kurin 7:5

Yó gónóm mon, yu kem tau syehen, hol ye gel steneb stungô. Són yó dé gónó ye là stungô ke wen kdaw blay ye ke Dwata anì laen dù hmala kuy bè yóm kni ye béléen. Okóm eles sentngón ye gna, omin ye bud stungô kogolen. Ke ni se nmò ye, laen dù lan Seitan smindil kuy lemwót bè yóm là kegbek ye mafas nawa ye.

2 Kurin 11:27

Tey gel kmou nmò efet sidek klitegu. Tey dê duléku ne là gel gtungô. Dê duléken se sidek kbitilu ne sidek kleengu. Tey dê duléken se laen dù gónóhu ma mò kenu, ne laen se dù bud gónóhu e mefet, lelen laen dù hol gel nesu.

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.