Matyu 17:20 - Udél Dwata: Gna Kesfasad ne Lomi Kesfasad

²⁰ Mon Jisas se, “Abay se tolo udì kehtahu ye. Tódô tulónu kuy ktahuhen, ke bnotù tekuy yóm kehtahu ye, anien ke olon senged bè kutit yóm lem hulu boluyen mustard, botong gbek ye tódô mon du bè yóm bulul nii, ‘Milihi etuu.’ Nénégem kà tódóen mili. Laen kô dù là gbek ye du.

Matyu 17:20 Referans Kwoze

Kun Snulat Luk 17:6

Bnalà Jisas se, monen, “Ke bnotù tekuy yóm kehtahu ye, anien ke lómón kutiten yóm lem hulu alì lemnek bè kdéen, kaem gbek ye ne mdók nim koyu bong nii anì tódô mdó bè ni, ne mili elem mohin, tódô nimónen yu.”

Mark 11:23

Tódô tulónu kuy ktahuhen, ke là megewu kehtahu ye, ne ke hol nô bè nawa ye yóm angat kguta ye yóm hni ye, gbek ye tódô mdók nim bulul nii anì mdó bè ni ne mili elem mohin, kaem tódô nimónen yu.

Kun Snulat Luk 18:27

Bnalà Jisas se, monen, “Yóm là gbek tau du, Dwata gembek du.”

Kun Snulat Luk 1:37

Abay se yóm Dwata, laen kô dù là gbeken du.”

Matyu 21:21

Mon Jisas mò kul, “Tódô tulónu kuy ktahuhen, ke wen kehtahu ye, ne ke là megewu nawa ye, gbek ye snéen mò du yóm nmou bè nim koyu ni. Là sónen du yó gbek ye, gbek ye snéen tódô mdók nim bulul nii anì mdó bè ni, ne mili elem mohin, botong tódô nimónen yu.

Mark 9:23

Mon Jisas se mò du, “Moen de ke monem mò do, ‘Ke gbekem?’ Igoen laen dù là gbek Dwata du bè yóm tau hemtahu béléen.”

1 Kurin 13:2

Baluen ke wen khulungu tmulón yóm Udél Dwata, ne baluen ke tódô ket du yóm deng dnalangu, ne ke deng tódô tngónu yóm là deng tngón le du kem dumu tau, ne baluen ke tódô gbeku hdó bulul lemwót bè kehtahuhu bè Dwata, okóm ke là bong nawahu kem dumuhu, tedu se bang gónóhu e kól du?

Matyu 13:31

Ne bud wen sotu hningón Jisas bélê le, monen, “Yóm kogot Dwata tau, hol lómón yóm lem hulu deng hulu yóm sotu tau bè tnibahen,

Kun Snulat Jan 11:40

Ne bnalà Jisas se, monen, “Hentulónem nawa yó dém deng monu mò kóm eginu, ke hemtahuhi béléu, tonem yóm kun kfasang Dwata.”

Mark 4:31

Sotu gónó tekuy hmingón du, hol lómón ke yóm lem hulu alì lemnek bè kdéen deng hulu yóm sotu tau bè lamihen.

Hibru 3:19

Tahu se, laen kô dù bélê le gehlós ebè tum benwu tu lemwót bè yóm là kehtahu le.

Matyu 17:17

Omin Jisas mudél, monen, “Yu kem tau kmoen ni, alì ye hemda. Gel sekban yóm kehedem ye. Deng tey kegenu ne nô lem blóng ye, ne deng tey kehlawihu nawahu bélê ye. Nitem edini kun yóm ngaem.” Tahu se, niten ebéléen.

1 Kurin 12:9

Ne wen se yóm tau benlay Tulus Dwata khulung smalig ke Dwata, ne wen se yóm tau benlayen ktued hkó des.

Matyu 17:9

Bud kewót le bè yó, mulék le mosol. Tey kget kmon Jisas du mò kul, “Hol bê ye tagad tulón yóm deng ton ye yó koni ke là nan na mowil yóm Ngà Tau.”

Matyu 8:26

Bnalà Jisas se lu, monen, “Mò ye kat alì likò ni du? Tey udì yóm kehtahu ye.” Ominen yó tódô hboluk btik, ne mudél ebè yóm lenos ne yóm tey lewók, monen, “Botongen ne.” Ne tahu se, tódô sen-gengen se menek gu talak lanaw.

Matyu 17:19

Kogolen bè yó, mógów le ebè Jisas yó kem gel lemolò du, tek són lu, mon le mò du, “Moen de kum ke là gbek me hdó yóm tulus seitan malak tum ngà tu koni?”

Mark 11:22

Ne mon Jisas se mò kul, “Hol ye hemtahu bè Dwata.

Matyu 14:29

“Géhéli sen,” mon Jisas. Mung tódô kekmó Pitér ta yóm ówóng le, tódô mógów ta yóm él etu bè Jisas.