Matyu 17:18 - Udél Dwata: Gna Kesfasad ne Lomi Kesfasad

¹⁸ Tódô hdó Jisas yóm gel malak yóm ngà yó, ne sen-gengen se tódô hyu yóm ngà.

Matyu 17:18 Referans Kwoze

Matyu 9:22

Unin mdù du, beklil se Jisas, ne tódô tonen yóm libun yó, monen mò du, “Hgelem nawam ne, Lenibun. Yóm kehtahuhem béléu, yó se gónón mkó yóm desem.” Ne tahu se, tódô sennganen se mkó yóm desen.

Kul Nmò 16:18

Hilu kdawen tendo gel semsulit du yóm monen yó efet tmakas Pol. Tódô beklil ebéléen, monen ebè yóm busaw malak du, “Lemwót bè kun boluy Jisas Krays, mdóhi béléen yóm ngà libun nalakem ni.” Tahu se, sen-gengen se tódô mdó béléen yóm busaw malak du.

Kun Snulat Luk 9:42

Yóm igoen mógów ebè Jisas yóm ngà, tódô sut béléen yóm busaw gel malak du, ne kento mugod se yóm ngà, ne tódô hkengkel. Okóm tódô hdó Jisas yóm busaw gel malak du yó, ne tódô bud hyu se yóm ngà yó. Mon Jisas mò ke maen, “Ni ngaem.”

Kun Snulat Luk 8:29

Yó gónón mon du yóm monen yó, abay se deng gegna kehdó Jisas du bè yóm tau nalaken. Bà mon se, deng hilu duléken ne tódô gel mówóng du yóm busaw malak du yóm tau yó. Là bangen du yóm gel kfét le du kdina kem sigelen ne kem tihen, lel le eles gel mentey du, ewenem botong benkasen. Són ebè yóm benwu laen dù tau menwu du gónón e liwà lanen gel mówóng du yóm busaw malak du yó.

Mark 5:8

Yó gónón mon du nim ni, abay se deng eles mudél Jisas ebè yóm busaw, monen mò du, “Mdóhi béléen.”

Mark 1:34

Ne gotu hkó Jisas se yóm kdê kay des le, ne gotu hdóhen yó kem tey dê busaw malak yó kem dumu tau. Okóm là kô hudélen kul, abay se tódô dilô le Jisas yó kem busaw.

Matyu 15:28

Omin Jisas mon du mò du, “Tey bong kehtahuhem, Lenibun. Yó ne, deng gutahem ne yóm hnihem béléu.” Tahu se, tódô sen-gengen se mkó des yóm ngà yóm libun yó.

Matyu 12:22

Ne ominen wen sotu tau nit le ebè Jisas, tau butô lelen umew lemwót bè yóm tulus seitan malak du. Tódô hdó Jisas yóm malak du, ne tódô gudél se yóm tau, ne bud mton.

Kun Snulat Luk 4:41

Balù yó kem busaw gel malak yó kem tau, gotu hdó Jisas lu. Bè yóm kdó le, tódô le gotu lemangat yó kem busaw, mon le, “Uu se yóm hol Ngà Dwata.” Okóm bnólów Jisas lu, ne là kô bud hudélen kul, abay se tódô tngón le Jisas se yóm Misaya.

Matyu 17:17

Omin Jisas mudél, monen, “Yu kem tau kmoen ni, alì ye hemda. Gel sekban yóm kehedem ye. Deng tey kegenu ne nô lem blóng ye, ne deng tey kehlawihu nawahu bélê ye. Nitem edini kun yóm ngaem.” Tahu se, niten ebéléen.

Matyu 17:19

Kogolen bè yó, mógów le ebè Jisas yó kem gel lemolò du, tek són lu, mon le mò du, “Moen de kum ke là gbek me hdó yóm tulus seitan malak tum ngà tu koni?”