Matyu 16:25 - Udél Dwata: Gna Kesfasad ne Lomi Kesfasad

²⁵ Yóm tau ke knamaen klowilen, angat lana béléen yóm klowilen yó. Okóm yóm tau ke là knamaen du klowilen lanen lemolò do, angat gutahen yóm klowil laen dù sónen.

Matyu 16:25 Referans Kwoze

Matyu 10:39

Yóm tau knamaen klowilen, angat lana béléen yóm klowilen yó. Okóm yóm tau là knamaen du yóm klowilen, angat gutahen yóm klowil laen dù sónen.”

Deng Hegfan 12:11

Okóm deng le matù béléen yó kem kut dumu setwoli deng hemtahu mlan bè kun litô yóm Ngà Ubiha deng gamà bélê le, ne bud mlan bè yóm ktahuhen deng gel hból le. Là kô knamà le du klowil le efet katay le.

Mark 8:35

Yóm tau ke knamaen klowilen, angat lana béléen yóm klowilen yó. Okóm yóm tau là knamaen du klowilen lanen lemolò do, ne lanen hetngón yóm Tulón Hyu, angat gutahen yóm klowil laen dù sónen.

Kun Snulat Jan 12:25

Yóm tau, ke són ktesen yóm klowilen te tonok, angat lanahen yóm klowilen yó. Okóm yóm tau ke là ktesen du yóm klowilen te tonok, angat gutahen yóm klowil laen dù tul sónen.

Kun Snulat Luk 17:33

Yóm tau ke knamaen klowilen, angat lanahen yóm klowilen yó. Okóm yóm tau ke là knamaen du klowilen, angat gutahen yóm klowil laen dù sónen.

Istér 4:16

“Gotu sentifunem kdéen Ju bè Susa anì gotu ye fasting. Hol bê ye tagad mken duhen ke minum lem yóm tlu buteng. Senged se dou ne yó kem ngà libun gel tóbóng lówóhu bud nmò me se kum. Sok deng yó, mógówe ebè tum tau hol geta baluen ke nuléhu yóm udinen. Ke mataye du nim nmou ni kem kunen ne.”

Istér 4:14

Ke tódói fen henek kóm bè nim kdaw ni, ngem sok angat sut yóm tóbóng mò lemwà yó kem Ju, yóm tóbóng là lemwóten béléem, ngem kà uu ne yó kem dumum setwoli fen matay. Okóm déke ni se yóm hol bótóng gónóm baling libun boi anì wen lanem gemtóbóng yó kem kóm tau.”

Matyu 16:26

Anien he yóm tau ke gotu gfunen klamangen benwu, laen kô dù ofolen du yóm deng gfunen yó ke lana béléen yóm klowil laen dù sónen. Ke lana béléen yóm klowil yó, laen kô dù bud gónón ma du yóm mò tlesen.

Kehedem Tau Tmolok 3:6

Wen se kdaw mebel ne wen se kdaw lemana. Wen se kdaw hemyu ne wen se kdaw mbot.