Matyu 16:24 - Udél Dwata: Gna Kesfasad ne Lomi Kesfasad

²⁴ Ne bud mon Jisas mò yó kem gel lemolò du, monen, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ne ominen yó lemolò do.

Matyu 16:24 Referans Kwoze

Matyu 10:38

Yóm tau ke loloen o, okóm là eles tnihangen du yóm kun kros, kéngen yóm kloloen do.

Kun Snulat Luk 14:27

Yóm tau ke loloen o, okóm là eles tnihangen du krosen, kéngen yóm kloloen do yó.

Mark 10:21

Yóm ketngel Jisas ebéléen mom gkoduhen, monen mò du, “Sotu he duen tolo gónóhem là deng sikof. Tu ne muléki, nam e hbalù yóm kdê nô béléem, ne blayem bè tu kem tau élél yóm blihen, ne angat wen tey kendengenem bè longit. Lemwót yó dum kóm, loloem o.”

2 Timuti 3:12

Ke wen tau hol sen-galuhen kguliten lanen mimón ke Krays Jisas, wen gónón glayam bè yó kem dumu tau là hemtahuhen.

Mark 8:34

Omin Jisas sembung yó kem tey tau wen bè yó, dalang se yó kem gel lemolò du, ne monen mò kul, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ominen yó lemolò do.

Kul Nmò 14:22

Ten-gel le nawa yó kem tau hemtahu, ne tey kegduf le kul anì là gkó le du yóm deng ksalig le ke Jisas. Yó mon le, “Nan dê he mgel glan tekuy ke tô tekuy gmung bè yóm kogot Dwata tau.”

Kulasi 1:24

Ni kmoen ni, hligale du nim gónóhu glayam ni mò lanu tmóbóng kuy. Nim keglayamu ni, deng tehe olu Dwata do, ne tódô henlelu ne gemnóm du efet kdengen mò lanu tmóbóng yó kem tau hemtahu béléen, yó se kem tau mò henged lówóhen.

Kun Snulat Jan 19:17

Kewót le bè yó, nwit le Jisas, tódô htihang le du yóm kun kros. Nwit le ebè yóm benwu boluyen “Bangag Kulu.” (Yó boluyen bè udél Hibru, “Golgata.”)

1 Tisalunika 3:3

anì laen dù bélê ye gemkogol du yóm kehtahu ye balù yóm tey keglayam ye. Deng hónô tngón ye se nim keglayam tekuy ni, kun kmò kehlan du Dwata.

Matyu 27:32

Yóm tolo knô le bè lan, geslong le yóm sotu tau boluyen Simun, lemwót bè Sayrin. Tódô gnaga htihang le du yóm kros Jisas.

Mark 15:21

Yóm tolo knô le bè lan, geslong le yóm sotu tau boluyen Simun, lemwót lem bulul tô mógów ebè Jirusalim. Tódô gnaga htihang le du yóm kros Jisas. (Nim Simun gnaga le ni, sotu tau lemwót bè Sayrin. Du se mà le Eliksandel ne Rufus.)

Kun Snulat Luk 23:26

Bè yóm kwit le ke Jisas ebè tum gónó le e hmatay du, tódô geslong le yóm sotu tau boluyen Simun, tô mógów ebè Jirusalim. Tódô gnaga htihang le du huli ke Jisas yóm kros. Nim Simun ni, sotu tau lemwót bè Sayrin.Bè yóm deng kwit le ke Jisas yó, tey tau wen lemolò huli du. Wen se kem libun mkik dmumu le huli ke Jisas.

Kun Snulat Jan 21:19

Yó lanen yóm mon Jisas ni, tulónen yóm kmò angat katay Pitér, ne yóm kegdóyón Dwata béléen bè yóm katayen yó. Ne omin Jisas bud mon du mò du, “Loloem o.”

Kun Snulat Jan 21:22

Bnalà Jisas se, monen, “Ke dou kóyô nan mowil kun efet bud kesfuléku, laen dù bud kóm du ne yó. Okóm yó dum kóm, loloem ou.”

1 Pitér 2:21

Ni se hol kun kóyô Dwata bélê ye ke gbek ye hembala yó kem gónó ye gel glayam hkawang. Ngem ke Krays kun, tey kehbalahen yóm tehe keglayamen bélê ye. Du se mò gónó ye dmalang anì mkél ye du.