Matyu 16:23 - Udél Dwata: Gna Kesfasad ne Lomi Kesfasad

²³ Beklil se Jisas ebè Pitér, monen, “Hlayuki béléu, Seitan. Béem tô henseng yóm nógówu. Là kóen lemwót bè Dwata yóm kehedemem yó, kaem kehedem tau te tonok.”

Matyu 16:23 Referans Kwoze

Flipay 3:19

Yó kem tau yó, angat le gógów elem lanaw ofi, abay se yóm kul knóyô lówó, hol lómón ke yó se dwata lolò le. Deng le mom hegmón du yóm nmò gónó myak. Són yó nô bè nawa le, són yóm nmò tau talak tonok.

Kulasi 3:2

Yake bè yó dé hol gónóhen nô nawa tekuy, là bè yó du kem kdéen ton te tonok.

Mark 8:33

Okóm binguy Jisas ebè yó kem gel lemolò du, ne bnólówen Pitér, monen mò du, “Hlayuki béléu, Seitan. Là kóen lemwót bè Dwata yóm kehedemem yó, kaem kehedem tau te tonok.”

Matyu 4:10

Bnalà Jisas se, monen, “Mdóhi bè ni, Seitan! Yakà deng monen du bè Sulat Dwata, ‘Béem tnilów Dwata yóm gónóm mogot ne són du hol nimónem.’ ”

Kun Snulat Jan 6:70

Bnalà Jisas se lu, monen, “Deng néléku yu, yu kem sfolò lewu, okóm sotu bélê ye nalak Seitan.”

Kun Snulat Luk 4:8

Bnalà Jisas se, monen, “Bud wen sotu monen bè Sulat Dwata, yó monen, ‘Són Dwata hol gónóhem mogot, ne són du hol nimónem.’”

Tekang Kbuten 3:17

Ne yó udél Dwata ebè yóm logi, monen, “Deng nimónem udél tuha libunem ne deng kenem yóm bungu koyu nalihu kuy. Lemwót bè nim nmoem ni, tódô gomong megtafak béléem yóm klamangen tonok. Bè yóm klawihem mowil, ke là nam hol hgel mò nmò là kô wen gónóm ma mò ken ye.

Sulat Pol Ebè Yó Kem Tau Hemtahu Bè Rom 14:13

Duhen yó, hol bê tekuy abay bud gel setdok. Yó dé hol sen-galu tekuy ke laen dù nmò tekuy mò gónó le tlokob yó kem dumu tekuy hemtahu.

1 Tutul Israél 21:1

Wen sidek atul Seitan ne hsóhen lu ke Dabid yó kem tau Israél.

2 Samwél 19:22

Okóm yó mon Dabid, “Yu kem ngà Siruwaya, tedu se kmou kuy du? Hligal tekuy bè nim kdaw ni. Ou se bud tau hol geta bè Israél bè nim kdaw ni, laen dù tau hnatay.”

Isaya 8:14

Lemwót bè yóm klaen dù belenu yó, yó gónó le likò do yó kem tau. Hol lómón ke ou yóm botu gónó le tlokob. Ne hol lómón ke ou yóm holot gónó le bkó yó kem tau bè benwu Juda ne bè benwu Israél ne bè syudad Jirusalim.

Sulat Pol Ebè Yó Kem Tau Hemtahu Bè Rom 14:21

Hol bê tekuy abay nmò gónó le btang kem dumu tekuy mlan bè kutón tekuy, bè kinum tekuy, duhen ke wen nmò tekuy mit kul btang.

Matyu 18:7

Tey kodu le yó kem tau talak tonok, abay se tey dê mit kul là hemtahu. Sal gel sut bè tau se yóm yó, okóm angat tey tafaken yóm tau mò du.

Matyu 16:22

Omin Pitér mit ke Jisas hlayuk udì, ne bnólówen, monen mò du, “Teya he yó, Sér. Yake béen dohò kut yóm monem yó.”