Matyu 16:20 - Udél Dwata: Gna Kesfasad ne Lomi Kesfasad

²⁰ Tey mget ktulón Jisas du yó kem gel lemolò du anì là tulón le du bè dumu tau ke du yóm Misaya.

Matyu 16:20 Referans Kwoze

Mark 8:30

Ne tey mget kmon Jisas du mò kul, “Hol bê ye abay tulón yóm mon ye yó.”

Kun Snulat Luk 9:21

Tey mget kmon Jisas du mò kul, “Hol bê ye abay tulón yóm mon ye yó.”

Kun Snulat Jan 1:41

Kewót Andru bè yó, nan e kendel tódô hnebel twoguhen Simun, ne tulónen du, monen, “Ó Wog, deng ton me ne yóm Misaya.” (Yó lanen yóm boluy Misaya yó, duhen “Krays.”)

Matyu 17:9

Bud kewót le bè yó, mulék le mosol. Tey kget kmon Jisas du mò kul, “Hol bê ye tagad tulón yóm deng ton ye yó koni ke là nan na mowil yóm Ngà Tau.”

Kun Snulat Luk 9:36

Tikóng teflok yóm udélen yó, tek són Jisas dù ton le mdà bè yó. Bè yóm kmoen yó, laen kô dù tau gónó le tmulón du yóm deng ton le yó.

Matyu 8:4

Mon Jisas mò du, “Hol béem abay tulón yóm deng nmou béléem ni. Tódói hekteng mógów ebè tum tau gel demsù ebè Dwata, nam e hetngel du lówóhem. Elesi se mit mò dsuem anì nmoem yóm sotu hlau Musis ekni mò gónó le milô du kem dumu tau yóm deng kkó yóm desem.”

1 Jan 5:1

Yóm tau ke hentahuhen Jisas yóm Misaya, yóm deng nélék Dwata, du se yóm tau deng baling ngà Dwata. Yóm tau ke bong nawahen ke Dwata, yóm Mà tekuy, kenbongen nawa snéen yó kem dumu tau deng baling ngà Dwata.

1 Jan 2:22

Tau du se yóm bong kéngen? Kaem yóm tau henkéngen ke Jisas yóm Misaya, yóm deng nélék Dwata mò hkamalen yóm klamangen. Yó se yóm tau hohonen Krays. Deng kenbéen yóm Mà tekuy lewu le yóm Ngaen.

Kul Nmò 2:36

Bud mon Pitér, “Kdê ye kem tau Israél, hol hendem ye dé yóm Jisas deng tnutuk ye bè kros, deng duhen du se yóm deng nélék Dwata mò gónó tekuy mogot. Du se yóm Misaya.”

Kun Snulat Jan 20:31

Ni gónóhu smulat du ni kem ni anì hentahu ye se kuy yóm Jisas, du se yóm Misaya, yóm hol Ngà Dwata. Lemwót bè yóm kehtahu ye du, yó se gónó ye gmuta yóm klowil laen dù sónen.

Kun Snulat Jan 1:45

Bud kewót Filip bè yó, nan e hnebel Natanyél. Tikóng le ston, monen mò du, “Deng ton me ne yóm tau gónón e gbak yóm tehe snulat Musis ekni bè yóm hlau gnan, dalang se yóm tehe gel snulat yó kem gna tugod Dwata, duhen du se yóm Jisas lemwót bè Nasarit, yóm ngà Jusif.”

Mark 9:9

Kewót le bè yó, mulék le mosol. Tey kget kmon Jisas du mò kul, “Hol bê ye tagad tulón yóm deng ton ye yó koni efet nan mowil he yóm Ngà Tau.”

Matyu 1:16

Mngà Jakub, duhen Jusif. Du se yóm tehe myehen ke Midi, Yê Jisas. Jisas se yóm bnoluy le Misaya, yóm deng nélék Dwata mò kmamal yóm klamangen.

Matyu 16:16

Fen bnalà Simun Pitér, monen, “Uu se yóm Misaya, yóm Ngà yóm Dwata laen kô dù tul katayen.”

Kun Snulat Luk 2:11

Deng sut kifu ni bè benwu yóm tehe Dabid yóm tau angat lemwà kuy gu lem hatay. Du se Krays, yóm gónó ye mogot.

Kun Snulat Jan 11:27

Mon Marta, “El, Sér, hentahuhu se uu yóm Misaya, yóm Ngà Dwata. Uu se yóm tendo hendón me ksuten elem benwu.”