Biblia Todo Logo
Bib sou entènèt

- Piblisite -




Matyu 16:19 - Udél Dwata: Gna Kesfasad ne Lomi Kesfasad

19 Yó hmou kóm, blayu kóm yó kem kunsì bè yóm kwalisem bè yóm benwu nogot Dwata. Yó se nmò kenbéem talak tonok, yó se angat bud kenbê Dwata bè longit snéen. Ne yó se nmò là kenbéem du, là se kenbê Dwata du bè longit.”

Gade chapit la Kopi




Matyu 16:19
14 Referans Kwoze  

“Tódô tulónu kuy ktahuhen,” mon Jisas, “yó se nmò kenbê ye talak tonok, angat bud kenbê Dwata bè longit snéen. Yó se nmò là kenbê ye du, là se kenbê Dwata du bè longit snéen.


Ou se yóm laen dù tul katayen. Denge tehe matay, okóm ni denge bud mowil, laen dù bud sónen ne yóm dou klowil. Ou se yóm wen kfasangen mogot hatay, dalang se yóm benwu gónó le nô yó kem tau deng matay, ou se yóm mogot du.


“Budi smulat do ebè yóm fen gel malak yó kem tau hemtahu bè Filadélfya, monem mò du, ni se udélen ebélê ye yóm laen dù belenen yóm kun kmò, yóm hono tahu yóm gel tulónen. Du se tles mogot du yóm kunsì tehe nogot yóm tehe fuen Dabid. Ke wen lenungkaen, là kô wen gembek bud tmikeb du. Ne ke wen tnikeben, là kô wen gembek bud lemungkà du.”


Ke hnifót ye salà yó kem tau, hnifót Dwata lu snéen. Okóm ke là hnifót ye salà le, là se hnifót Dwata du se kun.”


Wen kwalis blay Dwata kul anì gbek le là hkulón du bè yóm tlu halay sóól kegen le tmugod ke Dwata. Ne gbek le se hembaling kul litô yó kem él tembul bè yó. Bud wen kwalis le mò kihu hlayam bè yó kem tau, balù hilu dulék le móyô mò du.


Ke deng hnifót ye salà yóm tau yó, hnifótu snéen do. Bè yóm kehlifótu du, ke wen tô hnifótu se dou, tódô nmou bè solu Krays anì bud baling hyu lem blóng ye.


Ne ominen mféw yóm glimu yó kem hógów Dwata. Ne tódô tonu se yóm lómón tô blotik deng btang ete tonok, ne blay le du kunsì yóm bak yóm sol leyóng gónó le bmanggù yó kem busaw, yóm laen kô dù sónen yóm kengelemen.


Duhen yó, ke wen tau kembê du nim toloku kuy ni, là kô tolok tau du yóm kenbéen, kaem Dwata yóm bemlay tekuy yóm kun Tulus.


Timbow deng legen yóm alì kestulón le du, omin Pitér hebkó mdà lem blóng le, monen, “Ó kem dumuhu setwoli, deng tngón ye se yóm tehe kélék Dwata do lem blóng ye mò heglalag du bè yó kem tau là Juhen yóm Tulón hyu anì gungol le, ne hentahu le se kul.


Swiv nou:

Piblisite


Piblisite