Matyu 16:16 - Udél Dwata: Gna Kesfasad ne Lomi Kesfasad

¹⁶ Fen bnalà Simun Pitér, monen, “Uu se yóm Misaya, yóm Ngà yóm Dwata laen kô dù tul katayen.”

Matyu 16:16 Referans Kwoze

Matyu 14:33

Yó kem dumu gel lemolò ke Jisas nô lem yóm ówóng yó, botong tud le bukol le bè soluhen, mon le, “Tahu uu se yóm Ngà Dwata.”

Kun Snulat Jan 11:27

Mon Marta, “El, Sér, hentahuhu se uu yóm Misaya, yóm Ngà Dwata. Uu se yóm tendo hendón me ksuten elem benwu.”

1 Jan 4:15

Ke wen tau mon du hol Ngà Dwata yóm Jisas Krays, deng le ssotu Dwata ne yóm tau yó, ne hlós nô béléen Dwata.

Matyu 27:54

Bè yóm kehto Jisas, tolo mentey yóm kfitan, mung du yó kem sendaluen. Ya tey sidek klikò le bè yóm tey linol ne yó kem dê dumu ton le. Botong mon le, “Tahu duhen ni se yóm Ngà Dwata.”

1 Timuti 4:10

Yó gónóhu hol hmotu són gelu mò du yóm deng hmò Dwata dou, abay se du se mò nefet nawa te, yóm Dwata là wen tul katayen. Yakà deng lenwaen kdéen tau gu lem hatay, sélétem ne bè yó kem tau deng hemtahu.

Kul Nmò 9:20

Tódô kendel mógów ebè yó kem gónó le gel stifun yó kem Ju bè yó na a tmolok. Yó gel tulón Sol, Jisas se yóm hol Ngà Dwata.

1 Tisalunika 1:9

Gotu tulón le kum yóm tehe tey khódó ye kum ekni bè yóm tehe ksut me bélê ye dyó, ne yóm deng kkogol ye yó kem dwata kéng, ne yóm deng kimón ye ke Dwata yóm hol tahu Dwata, yóm Dwata laen tul katayen.

Matyu 26:63

Okóm là dogen mudél Jisas. Ominen bud mudél ebéléen yóm tau geta yó koni, monen, “Wen snólóku béléem. Bè yóm kbalaem du, hol hlanem bè boluy yóm Dwata laen dù tul katayen. Tulónem kum kun ktahuhen ke uu yóm Misaya, yóm hol Ngà Dwata.”

1 Jan 5:5

Tau du se gembek matù bè yó kem sidek lem nim benwu ni? Tek són yóm tau hemtahu du yóm kngà Dwata ke Jisas.

Hibru 10:31

Ke Dwata fen tmafak tekuy, yóm Dwata laen dù tul katayen, yó se yóm tafak alì knikò.

Sulat Pol Ebè Yó Kem Tau Hemtahu Bè Rom 1:4

Bud tulónen snéen yóm hol tahu keDwatahen. Yó gónó Dwata hegfan du yóm kngaen du, duhen yóm bud kehlowilen du bè yóm tehe katayen, hlanen bè yóm tey kegbeken.

Kem Lingón 2:7

Ne angat mudél se kun yóm tau deng hyón Dwata yó, yó monen, “Heglalagu bélê ye yóm deng tehe mon Dwata mò dou, yó tehe monen, ‘Uu yóm hol dou ngà. Bè nim kdaw ni kehetngónu du ne yóm kmaem dou.

Mark 14:61

Okóm là dog bnalà Jisas du, tódô neb. Ominen bud mudél yóm tau hol geta yó koni, monen, “Uu kô yóm Misaya, yóm hol Ngà Dwata?”

Danyél 6:26

Wen udinu bè kdéen tau balù kihu gónó le nô lem nim benwu knamalu, kóyóu ke hol knikò ye yóm kun Dwata Danyél. Yakà du se yóm Dwata laen tul katayen, laen se dù sónen yóm kun klowil. Yóm kogoten tau, laen kô dù tau gembek gembà du ne laen kô dù sónen yóm kun kogot.

Dwata 5:26

Laen kô dù tau bud mowil ke gungolen udél yóm Dwata laen tul katayen gu lem tum dilóf ofi, lómón yóm deng gungol me.

Kun Snulat Jan 20:31

Ni gónóhu smulat du ni kem ni anì hentahu ye se kuy yóm Jisas, du se yóm Misaya, yóm hol Ngà Dwata. Lemwót bè yóm kehtahu ye du, yó se gónó ye gmuta yóm klowil laen dù sónen.

Kun Snulat Jan 1:49

Mon Natanyél se, “Tahu, Sér, uu se yóm Ngà Dwata. Uu se yóm tau hol geta bè yó kem tau Israél.”

Hibru 12:22

Okóm bélê tekuy, tey tólóng yóm kehloni tekuy ebè Dwata nim kmoen ni. Laen dù bang gónó tekuy likò. Lómón ke deng tekuy hloni ebè yóm bulul Sayun, ne yóm hol benwu bong gónóhen nô Dwata, yóm Dwata laen dù tul katayen. Yóm benwu yó, yó se yóm Jirusalim bè longit, gónóhen hol nô yó kem hilu libu hógów Dwata.

1 Timuti 3:15

Okóm ke tolo wen anggau, syan dé deng wen sulatu eles gónóm temngón du yóm mò kmò yó kem tau fes lówó Dwata, duhen yó kem tau deng hemtahu béléen, yóm Dwata laen tul katayen. Hol lómón ke tekuy se yó kem hehek bè gónóen ne kem suguken, tekuy se gónó Dwata smalig du yóm ktahuhen.

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

2 Kurin 6:16

Ne sotuhen, laen kô dù gónó le segmung yóm kun gónô Dwata ne yó kem dwata kéng. Kaem tekuy se yóm kun gónô gónóhen nô yóm Dwata laen dù tul katayen. Hol lómón yóm tehe mon Dwata ekni, yóm monen, “Angate tendo nô bélê le yó kem dou tau, ne hol lem blóng le gónóhu nô. Ne ou se baling hol kul Dwata, ne lu se baling hol dou tau.”

2 Kurin 3:3

Nim sulat monu ni, mahil dmilô du ke Krays fen smulat du, ne olon heted du kum. Bede là kô lan tdok du, kaem Tulus Dwata mò du, yóm Dwata laen dù tul katayen. Ne là se kô snulaten du bè botu kufil, kaem lem hendem ye gónón smulat du.

Kul Nmò 14:15

tódô hendlà hgel le udél le, mon le, “Ó kem tau, moen de ke ni tô nmò ye? Olo me tau lómón kuy. Nim nógów me edini ni, na me e tulón kuy yóm Tulón Hyu anì gkogol ye ni kem dwata kéng laen dù genbek le, ne beklil ye ebè yóm Dwata mowil, yóm tehe dmimun longit ne tonok ne mohin ne kdéen ton.

Matyu 4:3

Tódô sut béléen Seitan, ne monen mò du, “Ke tahu uu Ngà Dwata, henbalingem ken kun ni kem botu nii.”

Kem Lingón 42:2

Lómón yó se kebelu kóm, Dwata yóm Dwata laen dù tul katayen. Kilón de kógówu ebè Gónóem anì naw e tmaba ebéléem bè yó?

Kul Nmò 8:36

Ngang le mógów efet le kól bè yóm gónón wen él, ne mon yóm tau genlal yó mò ke Filip, “Ni wen él, hyu kô ke hbabtayse kóm?”

Kun Snulat Jan 6:69

Deng me hemtahu béléem se kum. Tódô tngón me uu se yóm laen dù belenen lemwót gu bè Dwata.”

Matyu 1:16

Mngà Jakub, duhen Jusif. Du se yóm tehe myehen ke Midi, Yê Jisas. Jisas se yóm bnoluy le Misaya, yóm deng nélék Dwata mò kmamal yóm klamangen.

Matyu 16:15

Ne mon Jisas se mò kul, “Kmò kuy se du? Tedu se kuy kmò kehedem do du?”

Kun Snulat Luk 2:11

Deng sut kifu ni bè benwu yóm tehe Dabid yóm tau angat lemwà kuy gu lem hatay. Du se Krays, yóm gónó ye mogot.

Kun Snulat Jan 6:57

Yóm Mà hógów do, laen dù tul katayen, ne béléen gónón lemwót yóm dou klowil. Senged snéen yóm tau mken du yóm dou lówó, lemwót béléu yóm kun klowil.

Kun Snulat Jan 6:68

Ne mon Simun Pitér se, monen, “Laen kô dù dumu tau lolò me, Sér, tek són sem uu. Lemwót bè udélem gónó me gmuta yóm klowil laen dù tul sónen.

2 Kurin 1:19

Abay se bè yóm tehe ktolok me lem blóng ye, tlu me Silas ne Timuti, gel tulón me kuy Jisas Krays yóm Ngà Dwata. Yóm Jisas Krays, sok wen monen, sal dnohoen, là bud senfilihen du. Tódô henlelen mò du yóm nóyô Dwata.

Hibru 3:12

Ó kem dumuhu setwoli, hol ye eles temgama anì là nóen bélê ye yóm knawa sidek, yóm knawa là mimón. Lemwót bè yóm knawa yó gónó ye kmogol ke Dwata, yóm Dwata laen dù tul katayen.

Hibru 9:14

Ke tehe wen ktueden yóm kul litô yó kem ógóf, milud he ktueden yóm kun litô Krays. Mlan bè kun tóbóng yóm Tulus Dwata laen dù tul katayen, yó gónó Krays tódô hamà du yóm kun klowil mò dsuen ebè Dwata, yóm dsù tódô ket du. Yóm litô dsuen yó, gbeken mkó du bélê tekuy yóm sidek gel hemblat tekuy lemwót bè yóm là kegtóbóngen tekuy yó kem dê tehe gel lolò tekuy. Ne ni kmoen ni, gbek tekuy mò du yóm hmò Dwata tekuy, yóm Dwata laen dù tul katayen.

Deng Hegfan 7:2

Ne bud wen sotu hógów Dwata tonu lemwót fi gu bè dmata kdaw, niten yóm kun ilô yóm Dwata laen dù tul katayen. Ominen hgel udélen ebè yó kem fat hógów Dwata deng wen kfasang blay Dwata kul mò na a hemsidek yóm tonok ne yóm mohin.

Kul Nmò 8:37

Mon Filip se, “Tey hyu se ke gotu nawahem hemtahu ke Jisas.” Monen se kun yóm tau yó koni, “Deng hentahuhu ne Jisas Krays, du yóm hol Ngà Dwata.”