Matyu 16:13 - Udél Dwata: Gna Kesfasad ne Lomi Kesfasad

¹³ Bud kewót Jisas bè yó, hlós le etu bè yóm benwu moni bè yóm syudad boluyen Seseriya Flipay. Bè yóm kkól le bè yó, snólók Jisas yó kem gel lemolò du, monen, “Tedu de kul kmò kehedem du yó kem dumu tau yóm Ngà Tau?”

Matyu 16:13 Referans Kwoze

Danyél 7:13

Bè yóm kifu yó, bud wen tonu lómón ke ngà tau kmoen mung bè lobun gu bè longit. Mógów ebè yóm Tuha Laen Dù Buten, bede wen mit du ebè soluhen.

Kun Snulat Jan 5:27

Ne deng benlayen kwalis yóm Ngaen mò kmukum kdéen tau lemwót bè yóm deng kbalingen Ngà Tau.

Matyu 9:6

Ni naw hton kuy yóm kwen kwalisen hmifót salà yóm Ngà Tau yóm igoen tolo nô te tonok.” Ne omin Jisas bud mudél ebè yóm tau deng matay sfu lówóhen yó, monen mò du, “Mdai ne, Man, ne nitem yóm gónó le mit kóm yóó, ne muléki ebè gónóem.”

Matyu 13:37

Tahu se, tulón Jisas kul, monen, “Yóm tau sohulen yóm bnék hyu bè dnaduhen, duhen yóm Ngà Tau.

Matyu 12:8

Yóm Ngà Tau, du se wen kwalisen fen tmolok du kuy yóm hyu mò du bè yóm Kdaw Kehegnô.”

Matyu 8:20

Mom yó balà Jisas du, monen, “Wen lefunges kul gel nulék yó kem bolos, ne mdengen kul sala yó kem onuk koyu, okóm yóm Ngà Tau, laen dù mdengen gónóhen hegnô.”

Kul Nmò 10:38

Deng tngón ye se Jisas, tau lemwót bè Nasarit. Tódô sù Dwata béléen yóm kun Tulus, ne tey kfasang blayen du. Tódô keten benwu bélê me gónón e solu, ne hono hyu yóm gel nmoen. Gotu kóhen bè yó kem tau yóm kfasang Seitan malak kul. Yó gónón gembek mò du yóm nmoen yó, abay se tendo nô béléen Dwata.

Kul Nmò 7:56

Mon Stéfén mò kul, “Tenngel ye dé. Tódô hnas longit. Tu dé yóm Ngà Tau mdà bè kwanan Dwata.”

Kun Snulat Jan 12:34

Bnalà le Jisas yó kem tau, mon le, “Yó monen bè Udél Dwata, yóm Misaya, kaem tódô hlós yóm kun klowil, là kóen na a matay. Okóm yóm monem yó, angat hdà le bè yóm kros yóm Ngà Tau. Tau du se yóm Ngà Tau monem yó?”

Mark 10:45

Yakà lómón ni du yóm kun nmò yóm Ngà Tau. Là kô yó du nógówen edini ke fen na a hdatù bè kem tau. Okóm yó nógówen mò fen tmóbóng kul, hamaen klowilen mò msok yó kem tey tau wen gu lem hatay.”

Mark 8:38

Ni kem tau kmoen ni,” mon Jisas, “deng knogol le Dwata lan le gel mò sidek. Yóm tau ke hnalaen yóm kloloen dou lem blóng kem dumuhen, dalang se ke hnalaen yóm gel toloku, angat hnalà yóm Ngà Tau snéen sok bud semfulék edini. Bè yóm bud kesfuléken yó, angat gfan béléen yóm tey kegeta Maen, ne gotu le angat mung du yó kem hógów Dwata gu bè longit.”

Matyu 25:31

“Kesok bud kól yóm Ngà Tau mò mogot klamangen,” mon Jisas, “tódô kdéen hógów Dwata gu bè longit gotu semguyun du, ne angat myón bè yóm gónón myón kmukum.

Matyu 15:21

Bud kewót Jisas bè yó, hlós ebè yóm benwu moni bè Tayal ne Sidon.

Matyu 13:41

Angat dók yóm Ngà Tau yó kem hógówen gu bè longit anì gotu kó le yó kem kdéen tau gel mit kem dumu le mò sidek, dalang se yó kem dumu tau gel mò sidek, gotu kó le lu.

Matyu 12:32

Ne hnifót Dwata yóm tau ke sidek kbaken ebè yóm Ngà Tau. Okóm là kô hnifóten du ke sidek kbaken ebè yóm Tulus Dwata. Ke yó nmò yóm tau, laen kô tul kkóhen tahen yóm salaen yó.”

Kun Snulat Jan 3:14

Bè yóm tehe kun kdaw Musis ekni,” mon Jisas, “bè yóm tehe knô le bè yóm benwu laen dù tau menwu du, wen ulal tembaga sù Musis bè tfod yem hehek htegen eta. Bud lómón yó se angat ktayal le du eta yóm Ngà Tau,

Kun Snulat Jan 1:51

Tódô tulónu kuy ktahuhen,” mon Jisas, “angat ton ye hnas longit, ne yó kem hógów Dwata gu bè longit htuntun ebè yóm Ngà Tau, lel le bud haway eta.”

Matyu 12:40

Bè yóm tlu buteng Juna nô lem blutut yóm tey utón bong lem mohin, yó hnigaden yóm tlu butengen angat nô lem lebeng yóm Ngà Tau.

Matyu 16:27

Yakà angaten bud semfulék edini yóm Ngà Tau,” mon Jisas. “Bè yóm kesfuléken yó, gfan béléen yóm tey kegeta Maen, ne gotu le mung du yó kem gel hógów Dwata gu bè longit. Bè yóm kdaw yó, tódô gotu blayen yó kem tau yóm balà yóm tehe deng gel nmò le.

Matyu 16:28

Tódô tulónu kuy ktahuhen, angat wen he bélê ye bè ni gmafit mton du yóm bud kesfuléken edini yóm Ngà Tau mò kmamal yóm klamangen.”