Matyu 16:11 - Udél Dwata: Gna Kesfasad ne Lomi Kesfasad

¹¹ Là kô na e mambang du tendoken yóm tulónu yó koni. Mò ye là gmileb du du yóm monu? Hol ten-gama ye yóm kul bulung henok mambang yó kem Farisi ne yó kem Sadyusi.”

Matyu 16:11 Referans Kwoze

Matyu 16:6

Ne wen udél Jisas ebélê le, monen, “Hol ten-gama ye yóm kul bulung henok mambang yó kem Farisi ne yó kem Sadyusi.”

Kun Snulat Jan 8:43

Moen de ke là glileb ye du lanen yóm tulónu kuy? Yó duónen,” mon Jisas, “là móyô ye mimón du.

Kun Snulat Luk 12:56

Yu kem tau hemtedeng knô, igò ye sem hulung temnef kul yó kem ton ye bè tonok dalang se yó kem ton ye bè longit, kihol ye là hulung temnef du yóm dou nógów elem blóng ye ni.”

Mark 8:21

Ne yó bud mon Jisas mò kul, “Ilóem là getnef ye du kô yóm deng nmou yó?”

Mark 4:40

Mung kudél Jisas ebè yó kem gel lemolò du, monen, “Mò ye kat alì likò ni du? Laen deng kehtahu ye he kô?”

Matyu 3:7

Timbow ton Jan yóm kógów le ebéléen yó kem Farisi dalang se yó kem Sadyusi na le e tô hbabtays béléen, tódô monen mò kul, “Ya nim yu, hol ye mkél bè ulal, gel henlóyen ofi. Ilóu ofo kuy ke tô ye gewà lemen yóm angat tafak Dwata tau ke olo ye hbabtays.

Matyu 16:1

Sotu kdaw bè yó, wen yó kem Farisi ne yó kem Sadyusi mógów ebè Jisas na le e tô tnilów, mon le mò du, “Moi kum kun yóm hentaw ton mò gónó me hemtahu du yóm khógów Dwata kóm.”

Matyu 16:12

Omin le yó he temngón du sundu bulung henok mambang du yóm tendoken, okóm yóm kul ktolok yó kem Farisi ne yó kem Sadyusi.

Mark 8:15

Ne wen tulón Jisas kul, bede hlanen bè hlingón, monen, “Hol ten-gama ye yóm kul bulung henok mambang yó kem Farisi, dalang se yóm ke Hirod.”

Kun Snulat Luk 12:1

Sotu kdaw bè yó, tódô le muluk ebè Jisas yó kem tey tau wen, balù hilu libu kwen le, gotu le segdà te hólól ti. Yó gna nmò Jisas, mudél ebè yó kem gel lemolò du, monen mò kul, “Hol ten-gama ye yóm kul kmò yó kem Farisi, yóm gel kehlingu le bè yó kem tau gel tedeng. Yóm kul kmò yó hol lumun ke bólen yóm bulung henok mambang.