Matyu 16:1 - Udél Dwata: Gna Kesfasad ne Lomi Kesfasad

¹ Sotu kdaw bè yó, wen yó kem Farisi ne yó kem Sadyusi mógów ebè Jisas na le e tô tnilów, mon le mò du, “Moi kum kun yóm hentaw ton mò gónó me hemtahu du yóm khógów Dwata kóm.”

Matyu 16:1 Referans Kwoze

Kun Snulat Luk 11:16

Ne bud wen se kem dumu tau tô tmilów ke Jisas, tô hmò le hentaw ton mò ilô le yóm khógów Dwata du.

Kul Nmò 4:1

Bè yóm igò le Pitér ne Jan tolo mudél ebè yó kem tau deng stifun bè yó lem Gónô Dwata, sut bélê le yó kem tau gel demsù ebè Dwata, mung kul yóm kfitan bè yó kem tau gel mentey bè Gónô Dwata, ne wen se bè yó kem Sadyusi.

Matyu 16:6

Ne wen udél Jisas ebélê le, monen, “Hol ten-gama ye yóm kul bulung henok mambang yó kem Farisi ne yó kem Sadyusi.”

1 Kurin 1:22

Ngem yó dé kem Ju, là kô hentahu le du yóm tulón yó ke là wen yóm hentaw ton mò gónó le hemtahu du. Bong bè yó kem tau Grik, són yó olo hnebel le són yóm gónón temnù ketngón le.

Kun Snulat Jan 8:6

Yóm snólók le bè Jisas ni, mò tô dalil le dmuón du. Okóm ke Jisas kun, lekohong ebè tonok, sulaten bè tonok tdoken.

Kul Nmò 5:17

Okóm kun yóm tau hol geta bè yó kem tau gel demsù ebè Dwata dalang se yó kem dumuhen, hono kem tau Sadyusi, tey sidek kélés nawa le yó kem hógów Jisas. Ne mom yó nmò le,

Kun Snulat Luk 20:27

Wen se bè yó kem Sadyusi sut bè Jisas. Lu se yó kem Ju là hemtahu du yóm angat bud kehlowil Dwata yó kem tau deng matay. Wen na le e snólók bè Jisas, mon le,

Kun Snulat Luk 20:23

Okóm tódô tngón Jisas yóm tô atul le yó kem tau yó. Yó monen mò kul,

Kun Snulat Luk 10:25

Wen sotu bè yó kem gel tmolok hlau sut bè Jisas, wen snólóken béléen mò gónón tmilów du, monen, “Wen tô snólóku béléem, Sér,” monen. “Tedu de tô nmou du anì gutahu yóm klowil laen dù sónen?”

Mark 12:18

Wen se bè yó kem Sadyusi sut bè Jisas. Ni kem tau ni, là kô hentahu le du ke angat bud hlowil Dwata yó kem tau deng matay. Wen se kul snólók bè Jisas,

Mark 12:15

Okóm tódô tngón Jisas yóm tô atul le yó kem tau yó, ne yó monen mò kul, “Moen de ke tô hnolot ye ou? Mit ye dou edini kun filak mgel na tenngel.”

Mark 10:2

Yóm knóen bè yó, wen kem Farisi mógów ebéléen, wen snólók le béléen mò dalil duón le du, mon le, “Là sideken bè hlau tekuy kô ke skó bè yehenen yóm logi?”

Matyu 27:62

Timbow deng hayahen bè yó, uma kóm kul Kdaw Kehegnô yó kem Ju, gotu le mógów ebè Paylét yó kem geta bè yó kem gel demsù ebè Dwata ne yó kem Farisi.

Matyu 23:2

“Yó kem gel tmolok hlau ne yó kem Farisi, wen se kul glal tmolok du yóm hlau Musis.

Matyu 22:23

Segeng bè yóm kdaw yó, wen se bè yó kem Sadyusi sut bè Jisas. Ni kem tau ni là kô hentahu le du ke angat bud hlowil Dwata yó kem tau deng matay.

Matyu 22:18

Okóm tódô tngón Jisas se yóm tô atul le, ne yó monen mò kul, “Tey tau hemtedeng knô nim yu. Moen de ke tô tnilów hnolot ye ou?

Matyu 22:15

Bè yóm kungol kem Farisi du yó kem tulón Jisas yó koni, omin le lemwót mebel lan le gemkfô du bè kudélen.

Matyu 19:3

Yóm knóen bè yó, wen kem Farisi mógów ebéléen, wen snólók le béléen mò dalil gónó le dmuón du, mon le, “Là sideken bè hlau tekuy kô ke skó bè yehenen yóm tau balù kihu buten?”

Matyu 15:1

Ne wen kem Farisi ne yó kem gel tmolok hlau mógów ebè Jisas, lemwót le bè syudad Jirusalim. Wen snólók le béléen, mon le,

Matyu 12:14

Okóm yó kem Farisi, tódô le gotu lemwót, ne sensatul le yóm kmò khatay le ke Jisas.

Matyu 9:11

Timbow ton yó kem Farisi nim ni, tódô le mógów ebè yó kem tau gel lemolò ke Jisas, ne mon le mò kul, “Moen de yóm tau gónó ye gel htolok ke deng mom segbót mken bè yó kem tau yóó?”

Matyu 5:20

Tódô tulónu kuy,” mon Jisas, “song ye gmung bè yó kem tau nogot Dwata bè longit ke hol ye hgulit lemolò du yóm kun kóyô Dwata senta yóm kul kgulit yó kem tau tmolok hlau ne yó kem Farisi.”

Kem Udél Hlalak Tehe Selumun 26:5

Bnalaem yóm tau book bè yóm udél gembólów du bè yóm kbooken anì dilóen yóm là khulungen hedem.