Matyu 15:8 - Udél Dwata: Gna Kesfasad ne Lomi Kesfasad

⁸ ‘Són bè sumóng gónó le madat do ni kem tau ni, mon Dwata, okóm yóm nawa le tey mayuk béléu.

Matyu 15:8 Referans Kwoze

Isikél 33:31

Tahu se lemwót le, myón le bè soluhem hlingón hnungol le yóm tulónem. Okóm là kóen nô bè nawa le mimón du yóm dou tulón kul mlan béléem. Tey hyu yóm udél kesbong nawa gel btang bè sumóng le, okóm là kô kó le du yóm keseglom le anì wen guta le.

Kul Nmò 8:21

Laen kô dù kóm du yóm kum nmò ni, abay se là tedeng kton Dwata du yóm kehedemem.

1 Pitér 3:10

Hol lómón yóm monen bè Sulat Dwata, yóm monen, “Yóm tau ke nóyóen yóm kehyu klowilen ne yóm kwen kligalen, yake nafasen ksumóngen, ne béen abay tmulón kéng.

Kem Udél Hlalak Tehe Selumun 23:26

Ó Man, hol hnungolem o ne hol tenngelem yó kem dou kmò klan mò loloem.

Hibru 3:12

Ó kem dumuhu setwoli, hol ye eles temgama anì là nóen bélê ye yóm knawa sidek, yóm knawa là mimón. Lemwót bè yóm knawa yó gónó ye kmogol ke Dwata, yóm Dwata laen dù tul katayen.

Jirimaya 12:2

Lómón ke deng huluhem lu ne deng le dmolil ne tmowok le, omin le mungu. Són boluyem btang bè sumóng le, okóm lem but blutut le balù udi ke wen nawa le ebéléem.

Kun Snulat Jan 1:47

Timbow ton Jisas Natanyél mógów ebéléen, wen tulónen gbak ebéléen, yó monen, “Ni sii yóm hol tahu tau Israél abay se laen kô dù kéngen.”

Matyu 15:7

Tey tau hemtedeng knô nim yu. Deng yu se gónón e gbak yóm tehe udél Isaya, yóm monen,

Mark 7:6

Bnalà Jisas se lu, monen, “Yu se gónón e gbak yóm tehe udél Dwata htugoden ke Isaya ekni. Tey tau hemtedeng knô yóm yu, hol lómón yóm tehe monen, ‘Són bè sumóng gónó le madat do ni kem tau ni,’ mon Dwata, ‘okóm yóm nawa le, tey mayuk béléu.

Kun Snulat Jan 5:23

anì kdéen tau gotu madat yóm Ngaen lómón se yóm kadat le ke Maen. Yó se tau là madat du yóm Ngà, là se kô nadaten du yóm Maen, yóm hógów du.