Matyu 15:6 - Udél Dwata: Gna Kesfasad ne Lomi Kesfasad

⁶ Bè yóm ktolok ye yó, là kóen sidek ke là bud nadat te kem tuha tekuy. Ni se gónón gfan yóm klaen dù mu ye du yóm hlau Dwata. Són lolò ye yóm kuy hlau lenbù nmò.

Matyu 15:6 Referans Kwoze

1 Timuti 5:8

Okóm yóm tau deng hemtahu, ke là tendofen du yó kem kun dumu setwoli, hol néen yó kem fes lówóhen, deng knogolen ne yóm kehtahuhen. Mom sidek he kun nmò yóm tau yó senta yóm tau là dengen hemtahu.

Mark 7:13

Okóm deng mom knogol ye yóm hol tahu hlau Dwata. Hlau lenbù nmò ye hlolò yó kem tau. Ne tey dê he dumu nmò ye lómón ni.”

Kem Lingón 119:126

Ni se yóm kdaw ktafakem kul, Dwata, abay se deng gotu nulé le yó kem hlauhem yó kem tau gel mò sidek.

1 Timuti 5:16

Okóm ke wen libun hemtahu bè yó, ne ke wen kem libun bolu bè kun fes lówó, yake tódô du ne temdof kul anì là gbayaen bè yó kem dumu tau bè simbahan bè yó. Lotoben wen se kem dumu libun bolu eddoli là wen bang gónó le ma se kul. Yake kem dumu tau hemtahu bè simbahan fen smolu kul.

Sulat Pol Ebè Yó Kem Tau Hemtahu Bè Rom 3:31

Déke bud wen tau mon du, “Ke mlan bè kehtahu tekuy ke Jisas, laen dù bud muhen ne yóm klolò tekuy yó kem hlau Musis.” Là kô yó du. Mom milud he klolò tekuy du yóm hlau lemwót bè yóm deng kehtahu tekuy ke Jisas.

Husiya 4:6

Yó gónó le gotu meglà yó kem tauhu abay se là kô tngón le do. Kuy salà se yó yu kem tau gel blóng ebéléu, abay se deng mom yu kembê do. Duhen ni, kenbéu yu se kuy ke tô ye bud semblóng tau ebéléu. Lemwót bè yóm deng kekbê ye yó kem hlauhu kuy, angat bud kenbéu lu se do yó kem ngà ye.

Kem Lingón 119:139

Tey sidek kkinì kuluhu bélê le yó kem hohonu, abay se là kenmón le du yó kem udélem.

Matyu 15:5

Okóm yóm kuy gel tolok,” mon Jisas, “là kóen sidek kun ke mon te bè kem tuha tekuy, ‘Yóm tô blayu kuy, deng mom blayu ke Dwata.’

Matyu 15:7

Tey tau hemtedeng knô nim yu. Deng yu se gónón e gbak yóm tehe udél Isaya, yóm monen,