Matyu 15:4 - Udél Dwata: Gna Kesfasad ne Lomi Kesfasad

⁴ Igò Dwata se mon du bè Sulaten, ‘Nadatem maem ne yéem.’ Ne sotuhen, ‘Yóm tau ke sidek kbaken ebè maen ne yéen, tódô hnatay kmò du.’

Matyu 15:4 Referans Kwoze

Kehewà 20:12

Hol nadat ye mà ye ne yê ye anì tahà ktau ye ta yóm tonok blayu kuy.

Dwata 5:16

Hol nadat ye mà ye ne yê ye. Ou se yóm sana kuy Dwata hol gónó mogot fen hmau du kuy nim ni anì hyu kógów klowil ye ne anì tahà ktau ye ta yóm tonok blayu kuy.

Kem Udél Hlalak Tehe Selumun 23:22

Hnungolem udél maem yóm mngà kóm ne ke deng tuha yéem béem nit gnê.

Hlolò 19:3

Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.

Matyu 19:19

Nadatem maem ne yéem. Kenbong nawahem kem dumuhem lómón kbong nawahem yóm kóm knô.”

Ifisus 6:1

Ó kem ngà, lemwót bè yóm deng kehtahu ye, hol gel nimón ye kem tuha ye, yakà ni du se yóm hol hyu bélê ye.

Kem Udél Hlalak Tehe Selumun 20:20

Matay se kun yóm tau tnuleden kem tuhahen, lómón yóm solok mlef lem gónón mget kifu.

Dwata 27:16

‘Hol tnafak Dwata yóm tau là nadaten ke maen ne yéen.’ Ne kdéen tau gotu hem-el du, mon le, ‘Tahu yó.’

Sulat Pol Ebè Yó Kem Tau Hemtahu Bè Rom 3:31

Déke bud wen tau mon du, “Ke mlan bè kehtahu tekuy ke Jisas, laen dù bud muhen ne yóm klolò tekuy yó kem hlau Musis.” Là kô yó du. Mom milud he klolò tekuy du yóm hlau lemwót bè yóm deng kehtahu tekuy ke Jisas.

Kem Udél Hlalak Tehe Selumun 30:17

Yóm tau sendekaen maen ne là nimónen du yóm yéen tuha yake tódô hlagas lówóhen sok matay anì bè yó gónó wak ne kofi semsesék du.

Matyu 4:10

Bnalà Jisas se, monen, “Mdóhi bè ni, Seitan! Yakà deng monen du bè Sulat Dwata, ‘Béem tnilów Dwata yóm gónóm mogot ne són du hol nimónem.’ ”

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

Matyu 15:3

Bnalà Jisas se lu, monen, “Wen se do snólók bélê ye. Moen se kuy du ke là lolò ye du yóm hlau Dwata, mom yó lolò ye yóm hlau lenbù nmò ye?

Matyu 15:5

Okóm yóm kuy gel tolok,” mon Jisas, “là kóen sidek kun ke mon te bè kem tuha tekuy, ‘Yóm tô blayu kuy, deng mom blayu ke Dwata.’