Matyu 15:36 - Udél Dwata: Gna Kesfasad ne Lomi Kesfasad

³⁶ Ne nwahen yóm hitu botù mambang ne yóm udì utón él, ne nan mni bè Dwata. Tikóng deng knihen, ominen kembéng du, ne hsagiden yó kem gel lemolò du.

Matyu 15:36 Referans Kwoze

Sulat Pol Ebè Yó Kem Tau Hemtahu Bè Rom 14:6

Yóm tau ke gel wen kdaw htólóngen bè yó kem dumu kdaw, yó se mò gónón hegfan yóm kadaten ke Dwata se kun. Ne senged se yóm tau laen dù hniihen bè ken, yó se mò kun gónó hegfan yóm kadaten ke Dwata se kun, abay se sal gel dóyónen Dwata bè yóm gel kenen. Ne senged se kun yóm tau tolo wen hniihen, yó se yóm kun gónó hegfan du yóm kun kadat ke Dwata, ne gónón dmóyón du.

Kun Snulat Luk 22:19

Ominen bud ma yóm mambang, ne nan bud dóyón Dwata, ominen yó kembéng du, ne blayen kul, monen mò kul, “Nim mambang kenbéngu bélê ye ni, ni se dou lówó angat gamà bélê ye. Ken ye mò gónó ye hemtulón dou nawa.”

Kul Nmò 27:35

Timbow deng kudél Pol, nwahen yóm mambang ne nan mni bè Dwata bè yó lem blóng le. Deng kekbéngen du, ominen mken.

Kun Snulat Jan 6:11

Ne omin Jisas ma yóm mambang yó koni, bede nan gna mni bè Dwata, ne ominen hsagid du ebè yó kem tau myón bè yó. Ne bud senged se kmoen du yóm utón él. Gotu le bsow yóm kdê le.

1 Kurin 10:31

Yó balau du yóm yó, nô kihu nmò tekuy, senged se bè kken tekuy duhen ke bè kinum tekuy, hol gel hlan tekuy bè yóm gónón megdóyón Dwata.

1 Samwél 9:13

Ke deng ye kól bè yóm bak tikeb, angat ton ye gu laanen là deng lemwót eta yóm bulul udì nan e mken bè yó. Là kô le tagad mken yó kem tau deng tinok le ke là dengen kól bè yó se kun na a mni bélê le bè Dwata bè yóm dsù le. Heslò ye anì gafit ye.”

Kun Snulat Jan 6:23

Ne wen kem dumu ówóng lemwót gu bè Tibiryas dmuung moni bè yóm gónó Jisas mni bè Dwata ne hemken yó kem tau.

Kun Snulat Luk 24:30

Bè yóm kkól le bè gónô, omin le gotu seyón mken. Ne nwa Jisas yóm mambang, ne mni bè Dwata, ne ominen kembéng du, ne sket benlayen lu.

Kun Snulat Luk 22:17

Omin Jisas mkay yóm sotu tgayan gónón nô yóm ninum le, bede nan na mni bè Dwata, ominen mon du mò kul, “Ni sensinum ye.

Matyu 14:19

Tahu se. Omin Jisas gotu hyón yó kem tau bè yóm gónón ukol bnes. Ne nwahen yóm limu botù mambang ne lewu tedek utón él, ne temngel ebè longit, mni bè Dwata. Ominen kembéng yóm mambang, ne oguhen yó kem gel lemolò du anì sagid le ebè yó kem tau.

Matyu 15:35

Omin Jisas gotu hyón kul yó kem tey tau wen.

1 Kurin 14:16

Ke dóyón tekuy Dwata bè tólóng udél, là kô hen-el le du yó kem dumu tau mung bè yó ke là tngón le du lanen.