Matyu 15:33 - Udél Dwata: Gna Kesfasad ne Lomi Kesfasad

³³ Mon yó se kem gel lemolò du, “Bang tô gónó tekuy ma du mò hken kul bè nim benwu laen hol tau menwu du ni yó kem tey tau wen ni?”

Matyu 15:33 Referans Kwoze

Kun Snulat Luk 9:13

Okóm mom yó mon Jisas mò kul, “Tódô yu ne hemken kul.” Bud mon le se, “Són nô bélê me bè ni, tek són limu botù mambang ne lewu tedek utón él. Yó kô kóyóem ke ne me e bemli ken bè ni kem tey genged tau ni?”

Mark 6:37

Okóm mon Jisas, “Tódô yu ne hemken kul.” Bud mon le se, “Ê, sukéy sotu tau bè wolu bulón gbek ken le ni kem tey tau ni. Móyói kô ke mógów me ne me e bemli bélê le mò ken le?”

Matyu 14:15

Timbow deng kimel, mógów le ebè Jisas yó kem gel lemolò du, mon le, “Deng kimel ne ni, lelen là moni bè tau nim benwu ni. Dókem lu dé ni kem tey tau ni ebè tu kem benwu hmilol anì na le e bemli ken le.”

Matyu 15:32

Omin Jisas tmaba ebè yó kem gel lemolò du, ne monen mò kul, “Tey klayuk nawahu kul ni kem tau ni. Deng tlu kdaw le ni ne nô béléu bè ni, laen kô dù bud ken le. Ne là se móyóe tódô hulék kul là mken, kô lenmek le gu bè lan.”

Matyu 15:34

Bud mon Jisas se, “Hilu botù de mambang nô bélê ye?” Mon le se, “Tek hitu botù ne wen ngà utón élen.”