Matyu 15:3 - Udél Dwata: Gna Kesfasad ne Lomi Kesfasad

³ Bnalà Jisas se lu, monen, “Wen se do snólók bélê ye. Moen se kuy du ke là lolò ye du yóm hlau Dwata, mom yó lolò ye yóm hlau lenbù nmò ye?

Matyu 15:3 Referans Kwoze

Kulasi 2:23

Bè yóm gel ktaba le yó kem hógów Dwata nô bè longit mò lan le heglaan knô kun, ne yóm gel kehlayam le lówó le, hol lómón ke lemwót bè khulung hedem yóm nmò le yó. Là kô yó du. Yó kem hlolò le kuy yó, laen kô dù lanen tmóbóng tau mò mafas nawahen.

Kulasi 2:8

Duhen ni, hol ten-gama ye anì là gfét ye bè yóm tolok lemwót bè ketngón tau te tonok, yóm laen dù lemen. Yóm kul ktolok yó, dnalang le bè tau, yóm gel hentahu yó kem tau gnan, ne dnalang le bè yó kem tulus sidek nô bè klamangen benwu. Là kóen lemwót bè Krays.

Mark 7:13

Okóm deng mom knogol ye yóm hol tahu hlau Dwata. Hlau lenbù nmò ye hlolò yó kem tau. Ne tey dê he dumu nmò ye lómón ni.”

Taytus 1:14

ne anì là bud glolò le du yó kem tutul gel lenbù nmò yó kem Ju, duhen ke yó kem hlau gel nmò yó kem tau deng knogol le yóm ktahuhen.

Matyu 15:2

“Moen de kul yó kem gel lemolò kóm ke là lolò le du yó kem hlau yó kem tehe fù tekuy ekni? Là dog le na molob tdok gu laan le là deng mken.”

Matyu 15:4

Igò Dwata se mon du bè Sulaten, ‘Nadatem maem ne yéem.’ Ne sotuhen, ‘Yóm tau ke sidek kbaken ebè maen ne yéen, tódô hnatay kmò du.’