Matyu 15:28 - Udél Dwata: Gna Kesfasad ne Lomi Kesfasad

²⁸ Omin Jisas mon du mò du, “Tey bong kehtahuhem, Lenibun. Yó ne, deng gutahem ne yóm hnihem béléu.” Tahu se, tódô sen-gengen se mkó des yóm ngà yóm libun yó.

Matyu 15:28 Referans Kwoze

Matyu 8:13

Ne bud beklil Jisas ebè yóm kfitan yó koni, monen mò du, “Muléki ne. Tonem bunguhen he yóm deng kehtahuhem.” Ne tahu se, tódô sen-gengen se mkó des yóm tau mò nmò bè yóm kfitan yó.

Mark 5:34

Mon Jisas se mò du, “Yó ne, Lenibun, bè yóm kehtahuhem béléu, yó se gónón mkó yóm desem. Tu ne, muléki. Dwata he henek nawahem. Laen dù bud sfuhen ne yóm desem.”

Matyu 9:22

Unin mdù du, beklil se Jisas, ne tódô tonen yóm libun yó, monen mò du, “Hgelem nawam ne, Lenibun. Yóm kehtahuhem béléu, yó se gónón mkó yóm desem.” Ne tahu se, tódô sennganen se mkó yóm desen.

Kem Lingón 145:19

Gel blayen bè yó kem tau wen klikò le du yóm wen mu le du. Hnungolen yóm alì kni le béléen, ne lenwaen lu.

Matyu 8:10

Timbow gungol Jisas nim mon nim kfitan ni, tey kehtawen du, ne monen mò yó kem tau gel lemolò du, “Tódô tulónu kuy ktahuhen. Laen dù tau tonu bè klamangen Israél ke lómón ni hol kehtahuhen béléu.

Kun Snulat Luk 17:5

Ne mudél le ebè Jisas yó kem gel hógówen, mon le mò du, “Hol tennuem kum dé, Sér, yóm kehtahu me.”

Kun Snulat Luk 7:50

Ne bud mon Jisas ebè yóm libun yó, monen, “Yóm kehtahuhem béléu, yó se lemwà kóm lem salaem. Muléki ne, Dwata he henek nawahem.”

Kun Snulat Luk 7:9

Timbow gungol Jisas yóm udél yóm kfitan yó, botong tnga. Ne ominen beklil smolu ebè yó kem tey tau wen lemolò du, monen mò kul, “Balù sotu bélê tekuy kem tau Israél, là kô deng wen tonu ke lómón ni kmò kehtahuhen.”

2 Tisalunika 1:3

Ó kem dumu me setwoli, là kô gbek me du ke là tendo dóyón me ke Dwata lemwót bélê ye. Bong knóón du se ke yó gel nmò me, abay se sónmoen temnù yóm kehtahu ye, ne temnù snéen yóm kesbong ye nawa.

Matyu 14:31

Omin Jisas kendel kemfô du bè sigelen, monen, “Tey udì kehtahuhem nim uu. Moen du ke megewu nawam do?”

1 Samwél 2:30

Yó gónóm mon, ni se udél Dwata yóm Dwata yó kem tau Israél, monen, ‘Deng tehe fasadu kóm, laen dù sónen yóm keseblóng le tau ebéléu yó kem fes lówóhem kkólen bè yó kem angat lugodem.’ Okóm ni, là ne. Olohu madat yó kem tau madat do ne kóhu yó kem tau kembê do.

Matyu 15:27

Bud mon yóm libun, “Tahu se yóm monem yó, Sér. Okóm balù yó he kem ohu, sal gel ken le yó kem ubang ken gel btang gu te lemisa yóm tau funen.”