Matyu 15:27 - Udél Dwata: Gna Kesfasad ne Lomi Kesfasad

²⁷ Bud mon yóm libun, “Tahu se yóm monem yó, Sér. Okóm balù yó he kem ohu, sal gel ken le yó kem ubang ken gel btang gu te lemisa yóm tau funen.”

Matyu 15:27 Referans Kwoze

Ifisus 3:8

Ou se yóm hol glaan bè yóm kdéen tau Dwata, okóm deng mom sigang Dwata tahu nim tey hyu hmoen dou ni, duhen yóm kwitu du elem blóng yó kem tau là Ju le. Yó hol lemen nim Tulón Hyu ni, duhen yóm tey kehyuhen yóm tóbóng Krays, yóm kehyu là gbek tekuy hmingón du.

Kun Snulat Luk 16:21

Kóyóen ke wen blay le du yó kem ubang ken gel btang gu te lemisa yóm tau wen kendengenen yó. Balù yó kem ohu, gotu sut béléen na a dmilut yó kem tey mgasen.

Sulat Pol Ebè Yó Kem Tau Hemtahu Bè Rom 10:12

Yóm Udél Dwata yó, laen kô dù tau ke là gomongen lemen, abay se laen kô gónó le stólóng yó kem Ju bè yó kem tau là Ju le. Tek sotu se yóm gónóhen mogot yóm kdéen tau, duhen Jisas Krays. Kihu tau tmaba béléen, sal sket gel tnóbóngen lu.

Sulat Pol Ebè Yó Kem Tau Hemtahu Bè Rom 3:29

Déke wen mon du, són kem tau Ju nogot Dwata, fen là yó kem tau là Ju le. Là kô yó du.

Kun Snulat Luk 18:13

Okóm kun yóm tau fen gel mtuk bwis, tódô mdà hlayuk fi lem sokok, là kô gbeken du temngel eta bè longit, botong gdofien kfuhen, yó monen, ‘Ó Dwata, hol knoduhem o, yakà tauhe gemsalà.’

Matyu 8:8

“Bê, Sér,” mon yóm kfitan yó koni. “Là knóónen ke tói motun bè dou gónô, yakà tauhe lemwót bè Rom dou. Olom tódô hemwit udél ne, kaem tódô mkó he tum desen.

Matyu 5:45

anì mkél tekuy bè yóm kut Mà bè longit. Ngem se kun, tódô gel homong hnóngen yóm kdaw ebè yó kem tau sidek nmò le. Senged se bè yóm kulón, là són du bè yó kem tau tedeng kmò le gónó Dwata hkulón du. Gomong snéen yó kem tau là tedeng kmò le.

Sulat Pol Ebè Yó Kem Tau Hemtahu Bè Rom 3:4

Baluen he ke kdéen tau lem benwu gotu mò kéng, là kun ke Dwata, hono tahu yóm kun gel mon. Lómón ni se yóm sotu monen bè sulat Dwata, yóm monen, “Bè kudélem, Dwata, hol gónón gfan yóm ktedengem. Baluen ke wen tô duón le kóm, kaem uu matù bélê le.”

Danyél 9:18

Ó Dwata, hol henklinguhem o hol hnungolem o, temngeli gu dyó tenngelem nim glumfak me yóm kegbà yóm syudad mit yóm kóm boluy. Là yó du gónó me mni tóbóng béléem ke lemwót bè ktedeng me, okóm lemwót bè yóm alì khulungem kmodu.

Ifisus 3:19

Kóyóu ke hol gnóm ye yóm tey kbong nawahen kuy. Ewenem yóm nawahen tekuy yó, là kô hol glileb tekuy du yóm mò kmoen. Ke deng tahu gnóm tekuy nim ni, hol lómón ke deng tekuy skél bè yóm kun kmò Dwata.

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Tekang Kbuten 32:10

Là knóóne du yóm tey kehyu kmoem ebéléu ne yóm là konol nawahem ebéléu, olohu tau tóbóng lówóhem nim ou. Bè yóm tehe kewótu gu bè mà, mifale él Jurdan, són tugedu nwitu. Okóm bè yóm bud kuléku ni, botong lewu lumbuku.

Matyu 15:26

Bud bnalà Jisas, bede hningónen, monen, “Là hyu mbot du bè kem ohu yóm kul ken kem ngà.”

Matyu 15:28

Omin Jisas mon du mò du, “Tey bong kehtahuhem, Lenibun. Yó ne, deng gutahem ne yóm hnihem béléu.” Tahu se, tódô sen-gengen se mkó des yóm ngà yóm libun yó.

Mark 7:28

Ne mon yóm libun, monen, “Tahu se yóm monem yó, Sér. Okóm yó kem ohu nô laan lemisa, sal gel ken le se kul yó kem ubang ken kem ngà.”