Matyu 15:26 - Udél Dwata: Gna Kesfasad ne Lomi Kesfasad

²⁶ Bud bnalà Jisas, bede hningónen, monen, “Là hyu mbot du bè kem ohu yóm kul ken kem ngà.”

Matyu 15:26 Referans Kwoze

Matyu 7:6

Bud monen, “Bê ye duil tmulón yóm Udél Dwata bè yó kem tau gel hemnê du, lómón ke blay ye bè ohu yóm kimu alì mebtes. Ngem kà mom nékéten kuy. Ne lómón ke blay ye bè sdô yóm ngom libun alì mebtes. Ngem kà gotu sninà ndaen du elem hitok.”

Flipay 3:2

Hol ten-gama ye yó kem tau sidek nmò le, kem tau alì sekban, kem tau alì móyô mò du bélê ye yóm tmulì.

Ifisus 2:12

Bè yóm kdaw yó, tey ye mayuk bè Krays. Tólóng ye tau se kuy, là gomong ye bè yó kem tau tehe nélék Dwata mò hol kun tau. Ne laen kô dù kuy du yó kem tehe fasad Dwata kul. Olo ye kem beyen tau nô talak tonok yó dum kuy. Laen kô dù hendón nefet nawa ye, abay se là kô deng tngón ye ke Dwata.

Glasya 2:15

Bè ktahuhen, kesfu me Ju se kum. Là kô me semfu gu bè yó kem tau là Ju le, yóm gel bnoluy me, “tau gemsalà” lemwót bè yóm là ketngón le du yóm hlau Musis.

Deng Hegfan 22:15

Okóm là kô le gusek bè yó kul yó kem tau ssamuk honon lu, yó kem tau alì smalig bè imò, yó kem tau smamuk, yó kem tau monok, ne yó kem tau hemtahu bè dwata kéng, ne yó kem tau gel mò kéng, mlan bè udél le ne mlan bè nmò le.

Sulat Pol Ebè Yó Kem Tau Hemtahu Bè Rom 9:4

Lu se kem Ju deng néléken mò kem ngaen. Tehe tódô hegfan lem blóng le mlan bè yóm tey keDwatahen. Dê duléken mò fasad bélê le ne blayen bélê le yóm kun hlau hlanen bè Musis. Tey mtukul ktoloken du kul yóm kmò ktaba le ebéléen. Ne tey dê yóm fasaden kul.

Matyu 15:25

Okóm tódô hegluduk bè ti Jisas yóm libun yó, monen, “Hol tnóbóngem o sen, Sér.”

Matyu 15:27

Bud mon yóm libun, “Tahu se yóm monem yó, Sér. Okóm balù yó he kem ohu, sal gel ken le yó kem ubang ken gel btang gu te lemisa yóm tau funen.”