Matyu 15:24 - Udél Dwata: Gna Kesfasad ne Lomi Kesfasad

²⁴ Omin Jisas mudél ebè yóm libun, monen, “Tek són ebè yó kem tau Israél gónó Dwata e hógów dou, yakà mkél le bè yó kem ubiha tabag.”

Matyu 15:24 Referans Kwoze

Sulat Pol Ebè Yó Kem Tau Hemtahu Bè Rom 15:8

Tódô tulónu kuy, deng hógów Dwata Krays mò tmóbóng yó kem Ju. Ne yó gónón dohò yó kem tehe fasaden bè yó kem tehe fù le ekni.

Kul Nmò 13:46

Okóm kul le Pol ne Barnabas, là kô wen klikò le malà kul, mon le, “Igoen hyu ke yu gna tnulón me yóm tulón nwit me, okóm mom kenbê ye. Ilóem ofo kuy mon du ke laen dù mu ye du yóm udél gónó ye gmuta klowil laen dù sónen. Tódô tnagak me yu, mógów me ebè yó ne kem tau là Ju le.

Isikél 34:23

Angat wen sotu tau hesegyoku kul, yóm tau semfu gu bè Dabid yóm tóbóng lówóhu. Du se mò hótób kul ne semgyok kul.

Isaya 53:6

Yóm kdê tekuy, hol tekuy mkél bè ubiha tabag. Tódô sotu kun lemolò kun kóyô. Okóm du fen mbô yóm tafak Dwata hol knóón bélê tekuy.

Matyu 9:36

Bè yóm gel ktonen yó kem tey tau wen gel sbung ebéléen, tey kkoduhen kul, abay se tey dê gónó le glayam, ne laen kô dù tmóbóng kul. Lómó ktonen kul, lómón yó kem ubiha laen dù tau mdengen semgyok kul.

Isikél 34:16

Angat bud nebelu lu yó kem deng lana, nwitu lu semfulék yó kem deng tabag. Bnausu ke wen tfok bélê le ne hekgisu yó kem lunog. Okóm yó kem deng mabù ne kemgis bélê le, gotu genlau lu. Ou se yóm semgyok ubiha tedeng kkukumen.

Matyu 15:23

Okóm bà sekteb ke bnalà Jisas. Omin le mógów ebéléen yó kem gel lemolò du, mon le mò du, “Yake tódô hulékem yóm libun yó, sónmoen tendo hebnes huli tekuy.”

Matyu 18:11

Yó hol nógówen elem benwu yóm Ngà Tau, nan e tnóbóng yó kem tau deng lana.