Matyu 15:22 - Udél Dwata: Gna Kesfasad ne Lomi Kesfasad

²² Timbow le kól bè yó, wen sotu libun là Juhen lemwót bè yó mógów ebéléen, libun semfu gu bè tau Kanan. Tódô hgelen udélen tmaba ke Jisas, monen, “Ó Sér, sfu tehe Dabid, hol knoduhem ou. Wen yóm ngau libun lengel matahen, ne tey sidek kehlayamen du yóm gel malak du.”

Matyu 15:22 Referans Kwoze

Matyu 9:27

Timbow bud lemwót bè yó Jisas, wen lewu tau butô kemtes huli du ne tmaba le ebéléen, mon le, “Ó Sér, sfu tehe Dabid, hol knoduhem mi.”

Matyu 17:15

“Ó Sér, hol knoduhem yóm ngau, wen desen snidaf. Ya tey sidek kehkengkelen ke sok gel sut béléen. Wen se gónón gel mugod elem ofi duhen elem él.

Kem Lingón 4:1

Ó Dwata yóm gel mfi dou. Hol bnalaem ou bè yóm ktabahu ebéléem. Kóhem dou yóm gónón sidek kegnómu du. Hol knoduhem ou, ne hnungolem dou yóm hnihu.

Kun Snulat Luk 18:13

Okóm kun yóm tau fen gel mtuk bwis, tódô mdà hlayuk fi lem sokok, là kô gbeken du temngel eta bè longit, botong gdofien kfuhen, yó monen, ‘Ó Dwata, hol knoduhem o, yakà tauhe gemsalà.’

Kun Snulat Luk 17:13

ne tmaba le ebè Jisas, mon le, “Ó Jisas, gónó me mogot, hol knoduhem mi.”

Matyu 4:24

Deng tódô tfengen ebè klamangen prubinsya Sirya gónó le mungol du yóm nmò Jisas. Yó gónóm mon, gotu nwit le ebè Jisas kdê yó kem tau gemnóm des, yó kem tau semlaw kkólen bè yó kem tau lengel mata, ne yó kem tau snidaf, ne yó kem tau matay sfu lówó le, gotu hkó Jisas des le.

Matyu 1:1

Ni se kmò kestugoden yóm gónó Jisas Krays gu semfu bè yóm tehe kehbalingen tau. Semfu gu bè yóm tehe Dabid. Ne ke Dabid, sfu yóm tehe Abraham.

Isikél 3:6

Sundu ebè yó kem tólóng tau là tngónem du udél le. Bè ktahuhen, ke hógówu uu ebélê le kaem hnungol le uu.

Kem Lingón 45:12

Yó kem tau lemwót bè Tayal, angat le gotu mit basa ebéléem, nwa le nawam. Lu se yó kem tau alì wen kendengen le, tey wen blay le kóm.

Kem Lingón 6:2

Knoduhem ou, Dwata, abay se laen dù bud kgisu. Hkóhem dou nim des lem lówóhu, Dwata, abay se alì sidek kegnómu du.

Matyu 15:23

Okóm bà sekteb ke bnalà Jisas. Omin le mógów ebéléen yó kem gel lemolò du, mon le mò du, “Yake tódô hulékem yóm libun yó, sónmoen tendo hebnes huli tekuy.”

Kun Snulat Luk 6:18

Yó nógów le na le e hnungol yóm ktolok Jisas ne na le e hkó du yó kem des le. Gotu le mógów ebè yó snéen yó kem tau nalak busaw, ne gotu hdó Jisas yó kem busaw yó.