Matyu 15:17 - Udél Dwata: Gna Kesfasad ne Lomi Kesfasad

¹⁷ Là tngón ye du kô balù kihu sungit yóm tau, tódô hlós elem blututen, ominen yó bud gel lemwà gu lem lówóhen.

Matyu 15:17 Referans Kwoze

Kun Snulat Luk 6:45

Yóm tau hyu, hyu se kebkóhen lemwót bè yóm hyu nô lem hendemen. Yóm tau sidek, sidek se kebkóhen lemwót bè yóm sidek nô lem hendemen. Yó se gel nô lem hendem yóm tau, yó se gel lemwà bè sumóngen.”

1 Kurin 6:13

Ne wen se gel mon du, monen, “Yó se mu yóm blutut tau mò gónón e tódô ken. Ne yó mu yóm ken mò sù lem blutut.” Ya mo ktahuhen du yóm monen yó, okóm angat nmò Dwata sónen yóm blutut ne yóm ken. Yóm lówó tekuy, là yó du muhen ke gónó tekuy mò samuk. Okóm yó dé muhen mò fen mò nmò bè yóm gónó tekuy mogot. Ne du se fen hol semgyok du yóm lówó tekuy.

Sulat Jim 3:6

Ne yóm gel ksumóng tau, hol mkél bè ofi. Hol gónón smala kentihen sidek nmò tau. Bud lemwót bè ksumóng tekuy gónón sidek kehedem tekuy ne ksidek yóm nmò tekuy, ngangen ne efet laen dù gónón e kól ktau tekuy. Abay se yóm ksidek kbak tau, hol lómón yóm ofi lemwót bè lanaw ofi.

Matyu 15:16

Mon Jisas se, “Ilóem laen deng tngón ye kô kuy senta yó kem dumu tau?

Matyu 15:18

Okóm yóm sidek kebkó gel btang bè sumóng yóm tau, hono lemwót lem hendemen, ne yó se mit du là mólós bè Dwata.

Mark 7:19

Abay se balù kihu sungit yóm tau, là kóen hlós elem hendemen, sal hlós elem blututen, ne ominen yó bud gel lemwà gu lem lówóhen.” (Bè nim udél Jisas ni gónó tekuy temngón du laen kô dù ken sidek bélê tekuy.)