Matyu 15:14 - Udél Dwata: Gna Kesfasad ne Lomi Kesfasad

¹⁴ Tódô bayà ye lu yó kem Farisi yó. Hol lómón ke tau le butô tô nalak le kem dumu le butô. Ke salak honon butô, kaem angat le gotu geblos elem sol.”

Matyu 15:14 Referans Kwoze

Kun Snulat Luk 6:39

Ne wen bud hningón Jisas bélê le, monen, “Yóm tau butô, là kô gbeken malak yóm dumuhen butô. Ngem kà tódô le geblos elem sol yóm lewu le.

Malakay 2:8

Okóm kuy, kem tau blóng ebéléu nim kmoen ni, tey tólóng se yóm kuy kmò. Deng knogol ye yóm tahu lan. Ne lemwót bè yóm sekban gel tolok ye, tey dê tau nwit ye elem salà. Deng genbà ye yóm tehe senfasad me yó kem sfu Libay,” udél yóm Dwata laen dù là gbeken du.

2 Pitér 2:1

Yóm tehe yu ekni, gel wen se kem tau gel sut tódô tô lembù tmugod ke Dwata. Senged se ni kmoen ni, wen tau sut na a tmolok sekban lem blóng ye. Hono kéng yóm gel tolok le. Ke lolò ye, hensideken ktau ye. Sal henkéng le yóm gónó tekuy mogot igoen du yóm tehe msok kul gu lem hatay. Yó gónóm mon, angat tódô kento genlà Dwata lu yó kem tau yó.

Isaya 42:19

Tey butô yóm tau dou tóbóng lówó. Tey bokong yóm tau dou gel hógów.

Deng Hegfan 22:15

Okóm là kô le gusek bè yó kul yó kem tau ssamuk honon lu, yó kem tau alì smalig bè imò, yó kem tau smamuk, yó kem tau monok, ne yó kem tau hemtahu bè dwata kéng, ne yó kem tau gel mò kéng, mlan bè udél le ne mlan bè nmò le.

Deng Hegfan 19:20

Bè yóm kesfatay le, kenfô le yóm lóbô yó, mung du yóm gel tugoden, yóm tehe gel mò yó kem hentaw ton ke gel nô bè solu yóm lóbô yó. Lemwót bè yó kem hentaw ton tehe nmoen gónón smukat yó kem tau deng wen ilô yóm lóbô nô bélê le, yó kem tau deng hemtahu du yóm lennged hmoen. Yóm lóbô yó koni ne yóm tugoden, gotu tudà le lu igò le tolo mowil elem tum lanaw ofi wen kbudahen tendo dmilóf.

2 Pitér 2:17

Yó kem tau tmolok sekban yó, hol le mkél bè yóm kokol deng kti, duhen ke yóm lobun mung hfolis bè lenos, bà setlek él ke hebtangen. Deng wen ne yóm alì gónón kmifu deng eles hetfing Dwata bélê le.

1 Timuti 6:5

Tendo mit skaf stulón bè yó kem tau là buden btol kehedem le, là bud lolò le du ne kul yóm ktahuhen. Bè kul kehlan du, yóm kul kehtahu mò lan baling kwasa.

Husiya 4:17

Deng le tahu gfét bè yó kem dwata kéng yó kem tau Israél. Tódô bayà ye lu ne, hol bê ye abay gbót bè yóm nmò le.

Jirimaya 6:15

Kenyak le kô nim sidek nmò le ni? Là. Là kô kenyak le du, balù udì ke ton bélê le ke wen kyak le. Yó gónóm mon, angat le gotu mung masà lem blóng yó kem tau matay bè gida. Gotu le matay ke deng tnafaku lu mlan bè kebutu,” mon yóm sana Dwata hol gónó mogot.

Isaya 31:3

Là kô le Dwata yó kem tau Idyip snalig le, olo le tau tonok. Yó kem kudà le laen dù tulus le, senged le bè kem dumu kudà snéen. Ke tnafak Dwata yó kem alì kemgis yó, gotu le meglà. Ne yó kem tau tô tnóbóng le gotu le gomong meglà ne matay se kul.

Kun Snulat Jan 9:39

Ne yó bud mon Jisas, monen, “Ni se nógówu elem benwu anì sentólóngu kem tau. Htonu yó kem tau butô, ne hbutóu yó kem tau mton.”