Matyu 15:13 - Udél Dwata: Gna Kesfasad ne Lomi Kesfasad

¹³ Ne bnalà Jisas lu, bede hningónen, monen, “Yóm hulu là kun hulu du yóm Mà bè longit, angat tódô kenduten.

Matyu 15:13 Referans Kwoze

Kun Snulat Jan 15:2

Ket hangahu là munguhen, sal ntoken. Ne ket hangahu mungu, sal gel hen-gifaten anì hol temnù kbunguhen.

Isaya 60:21

Tódô kdê yó kem tauhem, Jirusalim, angat gotu nmò le yóm tedeng. Laen kô dù tul sónen yóm angat kfun le yóm tonok deng blayu kul. Hol lómón ke huluhu lu yó kem tau deng nmou mò gónón gfan yóm kegetahu bè kdéen.

Kun Snulat Jan 15:6

Yóm tau ke là heneken béléu, lómón ke hanga ntok tódô hgasà, hlós mékéng. Gotu sentifun le lu, omin le mbot kul elem ofi, ne gotu mlób.

Isaya 61:3

Yó kem tau alì wen kenangag le bè benwu Sayun, tles benlayu lu kligal ne kehyu nawa. Yó kem tau wen kenblat nawa le, tles blayu kul yóm sngal mò dmóyón ke Dwata. Hol lómón angat kmò le, lómón yó kem koyu kun hulu Dwata. Tódô kdê le gotu mò du yóm tedeng. Ne tey megdóyón Dwata bè yóm deng nmoen bélê le.

Kem Lingón 92:13

Yakà deng nilihu kul bè gónô Dwata. Ne tey hyu kenok le bè yó bè kun gónô Dwata.

1 Kurin 3:9

Nim mi, stóbóng me mò nmò bè Dwata. Ne yu, hol lómón ke kun tniba Dwata. Sotuhen, lómón ke yu yóm gónô hdà Dwata.

Matyu 15:12

Kogol yóm kudél Jisas yó, mógów le ebéléen yó kem gel lemolò du, ne mon le mò du, “Tey sidek kebut le kóm yó kem Farisi tu koni lemwót bè yóm monem ebélê le.”

Kun Snulat Jan 15:1

Bud mon Jisas, “Lómón ke ou yóm hol tahu hulu, ne Mà yóm fen semgyok du.

Sulat Jud 1:12

Bè yóm gel kestifun ye mken yu kem tau hemtahu, tey là hyuhen yóm tódô kesegbót le mken bélê ye yó kem tau tmolok sekban yó. Laen dù yak le mò du lem blóng ye yóm ungel le. Són hendem le kul knô. Mkél le bè yóm lobun mung bè lenos, balù setlek él ke hetsiken, ne mkél le bè koyu mungu, balù udì ke wen bungu le igoen sem deng gel kól bè yóm bulón le gel mungu. Yó duónen, deng gotu kdut yóm dolil le, ne deng le gotu mlef.