Matyu 15:1 - Udél Dwata: Gna Kesfasad ne Lomi Kesfasad

¹ Ne wen kem Farisi ne yó kem gel tmolok hlau mógów ebè Jisas, lemwót le bè syudad Jirusalim. Wen snólók le béléen, mon le,

Matyu 15:1 Referans Kwoze

Kul Nmò 23:9

Ngang le mò du yóm skuya mon yó koni efet le mom gotu sefetê. Ominen wen bè yó kem Farisi gel tmolok hlau mdà lem blóng le, ne hgel le udél le, mon le, “Laen dù salà ton me béléen nim tau ni” mò ke Pol. “Déke wen tahu hógów Dwata gu bè longit stulón du, duhen ke wen dumu nmò Dwata mò lanen stulón du.”

Kun Snulat Luk 5:30

Timbow ton le lu yó kem Farisi ne yó kem dumu le gel tmolok hlau, tódô le mógów ebè yó kem tau lemolò ke Jisas, ne mon le mò kul, “Moen de ke deng ye mom segbót mken bè tu kem tau gel mtuk bwis ne yó kem dumu tau gemsalà yóó?”

Kun Snulat Luk 5:21

Bong yó kem gel tmolok hlau ne yó kem Farisi, bè yóm kungol le du yóm udél Jisas yó, yó hendem le, “Tmau du mni? Mom hsengeden knóen bè Dwata. Laen kô dù tau gembek hmifót salà, tek són sem Dwata.”

Kun Snulat Luk 5:17

Sotu kdaw bè yó, bud tmolok Jisas, ne wen se kem Farisi ne yó kem tau gel tmolok hlau myón bè yó. Lemwót le bè ket benwu snakuf Galili ne Judiya, kkólen bè yóm syudad boluyen Jirusalim. Ne nô bè Jisas yóm ktued Dwata gel hkó des.

Mark 3:22

Wen se bè yó kem tau tmolok hlau lemwót bè Jirusalim nô bè yó. Yó udél le ebè Jisas, mon le, “Nalak Seitan, yóm kul ogot yó kem busaw. Yó gónón gembek hdó yó kem busaw.”

Matyu 23:2

“Yó kem gel tmolok hlau ne yó kem Farisi, wen se kul glal tmolok du yóm hlau Musis.

Matyu 5:20

Tódô tulónu kuy,” mon Jisas, “song ye gmung bè yó kem tau nogot Dwata bè longit ke hol ye hgulit lemolò du yóm kun kóyô Dwata senta yóm kul kgulit yó kem tau tmolok hlau ne yó kem Farisi.”

Kun Snulat Jan 1:19

Sotu kdaw bè yó, dók yó kem Ju wen glalen bè Jirusalim yó kem tau gel demsù ebè Dwata dalang se yó kem dumu tau semfu gu bè Libay anì wen snólók le bè Jan. Yó snólók le béléen, mon le, “Tmau kóm de?”

Kul Nmò 25:7

Bè yóm kkól Pol bè yó, tódô gotu snibut yó kem Ju lemwót bè Jirusalim. Tey dê yó kem sidek tifù le du, okóm là sem mdengen gónó le hegfan du yóm ktahuhen yóm tifù le du yó.