Matyu 14:9 - Udél Dwata: Gna Kesfasad ne Lomi Kesfasad

⁹ Timbow gungol Hirod yóm yó, ya tey sidek kegbeng lemen. Okóm lemwót bè yóm deng safaen bè yóm ngà yó, lel le mungol du yó kem tey tau wen bè yó, yó gónón tódô hemlus du béléen yóm hnihen.

Matyu 14:9 Referans Kwoze

Kun Snulat Luk 13:32

Mon Jisas se mò kul, “Mulék ye etu ne, ne hol tulón ye yóm tau alì hulung smukat yó, mon ye mò du, ‘Kemdaw ni ne haya, tolo lelu he hdó busaw ne hkó des. Lewu ni kehedengu du yóm nmou.’

Mark 6:26

Laen ofolem hmingón du yóm tey ksidek kegnóm Hirod du. Okóm lemwót bè yóm deng kwen fasaden lem blóng yó kem tey tau tinoken, ne mung du safaen, yó gónón myak ke là blayen du bè yóm ngà yóm hnihen.

Mark 6:20

Abay se ke Hirod, wen klikoen ke Jan. Tódô tngónen tau tedeng kmoen, bà udì ke wen belenen, yó gónón gel mofin du. Tey móyô Hirod hmungol du yóm gel tulón Jan, okóm deng mom sónmoen sbeweg kehedemen bè yóm gel khungolen du.

Mark 6:14

Ngangen mból yóm gel nmò le Jisas efet gefet bè Hirod, yóm tau hol geta bè Galili. Deng tey baling tótól yóm boluy Jisas lemwót bè yóm gel nmoen. Wen se mon du, “Deng bud mowil yóm Jan tehe mabtays, yó gónón wen ktueden mò du yó kem hentaw ton gel nmoen.”

Matyu 14:5

Bè yóm kungol Hirod du yóm udél Jan yó, hol kóyóen ke tô kendel hfatayen Jan, okóm likò bè yó kem Ju, abay se dilô le hol tugod Dwata yóm Jan.

Matyu 14:1

Bè yóm kdaw yó, gefet bè Hirod yóm gubérnor bè Galili, yóm gel nmò Jisas.

1 Samwél 28:10

Okóm smafà béléen Sol hlanen bè boluy Dwata, monen, “Hlanu bè boluy yóm Dwata là matayen nim monu ni, laen dù tau tmafak kóm bè yóm kmoem du nim ni.”

1 Samwél 25:22

Dwata he hol tmafak do ke wen dù logi mò nmò béléen hlafus haya.”

1 Samwél 14:28

Okóm wen sotu tau mton du ne monen mò du, “Deng wen safà maem yó kem sendalù mung du, monen, ‘Ke wen tau mken kemdaw ni, hol matay.’ Yó se gónó le gotu lenmek yó kem tau lan le bitil.”

1 Samwél 14:24

Bè yóm kdaw kesgida le yó, gotu le lenmek yó kem tau Israél lemwót bè yóm alì kbitil le lan Sol deng smafà, monen, “Ke wen tau mken kemdaw ni gu laanu là deng gotu meles yó kem hohonu, hol matay yóm tau yó.” Yó gónóm mon, botong sendaw le là mken

Matyu 14:8

Lemwót se yóm ngà, snólóken bè yéen ke tedu yóm hnihen bè Hirod. Ne yó mon yéen mò du monem mò ke Hirod, “Kulu Jan dé blayem do, hyónem do te huyów.”

Matyu 14:10

Tahu se, tódô heklengen lihol Jan lem blanggù.