Matyu 14:8 - Udél Dwata: Gna Kesfasad ne Lomi Kesfasad

⁸ Lemwót se yóm ngà, snólóken bè yéen ke tedu yóm hnihen bè Hirod. Ne yó mon yéen mò du monem mò ke Hirod, “Kulu Jan dé blayem do, hyónem do te huyów.”

Matyu 14:8 Referans Kwoze

Mark 6:24

Ne tódô lemwót se yóm ngà libun yó nan e snólók bè yéen yóm hyu mò hnihen. Ne mon yéen se, “Hnihem béléen kulu Jan dé, yóm tau gel mabtays.”

Kem Udél Hlalak Tehe Selumun 29:10

Yó kem tau tendo módód hmatay tau, knutó nawa le yóm tau laen dù belenen, okóm yó kem tau tedeng kmò le, gel kenlung le yó kem tau laen dù belenen yó.

Kem Udél Hlalak Tehe Selumun 1:16

Yakà són mò le módód mò sidek ne eles le htigel bè khatay le tau.

2 Bok Kem Tau Hol Geta 11:1

Timbow tngón Atalaya yóm katay ngaen Ahasaya yóm tau hol geta mogot yóm benwu Juda, kewóten bè yó gotu tô hfatayen yóm kdê ngà Ahasaya.Okóm wen libun Ahasaya boluyen Jihusiba ngà yóm tehe Jihuram yóm tau hol geta bè Israél. Yó nmoen, bnosen yóm sotu ngà Ahasaya logi hanà udì boluyen Juas, nwahen lem blóng yó kem dumu ngà yóm tau hol geta móyón hnatay le.

1 Bok Kem Tau Hol Geta 19:2

Omin Jisébél hemwit udél ebè Ilaydya, monen, “Ke là bud nmou du béléem se kóm yóm deng nmoem bè yó kem tugod Baal, hol hnatay le o he yó kem dwata lennged ke là dengi matay lómón ni kdaw haya.”

1 Bok Kem Tau Hol Geta 18:13

Là tulón le du kóm kô, Sér, yóm tehe tô gotu khatay Jisébél yóm kdê tugod Dwata, lematu bnosu bélê le, lewu kilib gónóhu hemsù kul, ne bud netedu lu ken he ne él.

1 Bok Kem Tau Hol Geta 18:4

Ne bè yóm kdaw gotu tô khatay Jisébél yóm kdê tugod Dwata, yó nmò Ubadaya botong lematu tugod Dwata bnosen bè yóm lewu kilib. Ket limu folò kebnosen kul, hyu benlayen lu ken ne él.)

Isra 1:9

Ni se lista yó kem ngom blay Sirus yó koni: huyów tahu blówón 30 huyów blówón bukay 1,000 gónó mit ofi nmò bè blówón bukay 29 tukung tahu blówón 30 tukung blówón bukay 410 yó kem dumu ngom 1,000

Matyu 14:7

Wen fasaden yóm ngà madal yó, monen, “Balù kihu nóyóem, blayu kóm.” Gloken smafà béléen he.

Matyu 14:9

Timbow gungol Hirod yóm yó, ya tey sidek kegbeng lemen. Okóm lemwót bè yóm deng safaen bè yóm ngà yó, lel le mungol du yó kem tey tau wen bè yó, yó gónón tódô hemlus du béléen yóm hnihen.

Matyu 14:11

Omin le mit kuluhen ne hyón le te huyów, blay le bè yóm ngà libun. Ne lemwót se kun, blayen ke yéen.

Mark 6:25

Tódô kendel hetlasik mulék se yóm ngà ebè Hirod, ne monen mò du, “Kulu Jan dé blayem dou, hyónem do te huyów.”

Mark 6:28

Deng keklengen du, hyónen te huyów, ne niten ebè yóm ngà libun, ne blayen du. Lemwót kun yóm ngà libun, blayen ke yéen.