Matyu 14:7 - Udél Dwata: Gna Kesfasad ne Lomi Kesfasad

⁷ Wen fasaden yóm ngà madal yó, monen, “Balù kihu nóyóem, blayu kóm.” Gloken smafà béléen he.

Matyu 14:7 Referans Kwoze

Istér 5:6

Bè yóm igò le tolo minum yóm kul tifas grép bud snólók Sérksis Istér, “Tulónem do dé yóm nóyóem anì tódô blayu kóm. Kihu nóyô hnihem béléu blayu kóm, baluen he ke hnihem sóól yóm benwu knamalu.”

Istér 5:3

“Nógówem kut ni du, Boi Istér?” sólók yóm tau hol geta. “Tulónem do ke tedu nóyóem, tódô blayu kóm. Baluen he ke hnihem béléu sóól nim benwu nogotu, tódô blayu kóm.”

Istér 7:2

Bè yóm igò le tolo minum yóm tifas grép gel ninum le bè yóm bud kógów le yó bud snólóken Istér yóm tau hol geta yó, “Yó ne, Boi Istér, tedu se tgutem do du? Tulónem do anì blayu kóm. Baluen he ke hnihem sóól nim benwu knamalu tódô blayu kóm.”

Matyu 14:6

Ni se tehe kmoen yóm katay Jan. Bè yóm tehe kkól yóm kdaw gel kehligal le du yóm tehe ksut Hirod, hadal le yóm ngà Hirudiyas libun lem blóng yó kem tey tau deng sbung bè yó. Ya tey kehyu nawa Hirod.

Matyu 14:8

Lemwót se yóm ngà, snólóken bè yéen ke tedu yóm hnihen bè Hirod. Ne yó mon yéen mò du monem mò ke Hirod, “Kulu Jan dé blayem do, hyónem do te huyów.”

Kem Udél Hlalak Tehe Selumun 16:30

Tódô gfan bè uyó kem tau yóm katul le mò sidek ne tódô dilô bè kekdol sumóng le yóm deng kmò le sidek.