Matyu 14:6 - Udél Dwata: Gna Kesfasad ne Lomi Kesfasad

⁶ Ni se tehe kmoen yóm katay Jan. Bè yóm tehe kkól yóm kdaw gel kehligal le du yóm tehe ksut Hirod, hadal le yóm ngà Hirudiyas libun lem blóng yó kem tey tau deng sbung bè yó. Ya tey kehyu nawa Hirod.

Matyu 14:6 Referans Kwoze

Tekang Kbuten 40:20

Tahu se, na a hto yóm tlu kdaw. Yó se yóm kdaw tehe ksut Faro. Wen tey ken bong nmoen bè yó kem genlalen. Bè yóm kdaw yó, hewà Faro yóm tau tehe gel mkay béléen ninum ne yóm geta bè yó kem gel mò mambang béléen, hdaen lu bè solu yó kem genlalen.

Mark 6:17

Yó gónó Hirod mon du yóm yó, abay se du se tehe hekfô ke Jan, ne hféten, ne heblangguen. Yó gónón mò du béléen yóm yó, lan Jan tehe mólów du bè yóm tehe kalawen ke Hirudiyas, yehen yóm twolihen boluyen Filip.

Matyu 22:24

Wen se kul snólók bè Jisas, mon le, “Ó Sér, tehe gel mon Musis, ke matay yóm logi igò le là deng mngà yóm yehenen, yóm twolihen tmodol béléen bud lemolò yóm kun yehen anì wen ngaen béléen mò kun sfu yóm twoguhen.

Kun Snulat Luk 3:19

Balù Gubérnor Hirod, sana kbólów Jan du yóm lanen malaw ke Hirudiyas, yóm yehen twolihen. Ne tey dê he yó kem dumu sidek nmò Hirod eddoli.

Mark 6:19

Lemwót bè yóm udél Jan yó, deng mom sidek kebut Hirudiyas du, kóyóen ke hfatayen, okóm là hlus Hirod du.

Istér 2:18

Yó gónóm mon, wen tey ken bong nmò Sérksis bè Istér, gotu tinoken kdê yó kem tau genlalen ne kdê yó kem tau wen hogoten kul. Gotu heglalagen bè yó kem prubinsya nogoten anì gbót le hligal béléen bè yóm kdaw yó ne wen tey kem basa blayen snéen.

Matyu 14:3

Yó gónó Hirod mon du yóm yó, abay se du yóm tehe hekfô ke Jan, lelen hfét du, ne heblangguen. Yó gónón mò du béléen yóm yó, lanen tehe mólów du bè yóm tehe kalawen ke Hirudiyas, yehen yóm twolihen boluyen Filip. Tehe gel monen mò ke Hirod, “Deng nuléhem yóm hlau tekuy yóm kalawem yehen twolihem yó.”

Matyu 14:7

Wen fasaden yóm ngà madal yó, monen, “Balù kihu nóyóem, blayu kóm.” Gloken smafà béléen he.

Mark 6:14

Ngangen mból yóm gel nmò le Jisas efet gefet bè Hirod, yóm tau hol geta bè Galili. Deng tey baling tótól yóm boluy Jisas lemwót bè yóm gel nmoen. Wen se mon du, “Deng bud mowil yóm Jan tehe mabtays, yó gónón wen ktueden mò du yó kem hentaw ton gel nmoen.”

Mark 8:15

Ne wen tulón Jisas kul, bede hlanen bè hlingón, monen, “Hol ten-gama ye yóm kul bulung henok mambang yó kem Farisi, dalang se yóm ke Hirod.”

Kun Snulat Luk 3:1

Deng sfolò limu halayen ne kegen Tibiryus mogot yóm klamangen benwu. Du se yóm hol tau hol geta bélê le nô bè Rom. Yó gubérnor bè prubinsya Judiya yóm sotu tau lemwót bè Rom boluyen Puntyus Paylét. Ne hkemen ke Hirod yóm prubinsya Galili. Ne lemwót yóm twoli Hirod boluyen Filip, hkem Tibiryus du yóm lewu prubinsya boluyen Ituriya ne Trakunitis. Ne hkemen ke Lisanyas yóm sotu prubinsya boluyen Abilin.

Kun Snulat Luk 8:3

Ne sotuhen, Juhana yehen Kusa, yóm tau bong glalen bè Hirod. Bud sotuhen, Susana ne tey wen he kem dumuhen. Lemwót bélê le yó kem mò tdof le kul le Jisas ne yó kem gel lemolò du.

Kun Snulat Luk 13:31

Bè yóm kmoen yó, wen kem Farisi sut bè Jisas, mon le mò du, “Béem là ksón nô bè ni ne, wen Hirod, tô hfatayen uu kun.”

Kun Snulat Luk 23:7

Ne mon le se, “Tau lemwót bè Galili se nim tau ni.” Tikóng gtukul Paylét yóm kewót Jisas bè yóm benwu kun nogot Hirod, tódô hwiten Jisas ebè Hirod. Abay se bè yóm kdaw yó, tolo geslaen knô Hirod bè Jirusalim.

Kun Snulat Luk 23:11

Yó nmò Hirod ne yó kem sendaluhen, mom senflowon le Jisas, lel le hemnê du. Hesek le du yóm nes gel lesek yóm tau hol geta, ne bud heted Hirod Jisas ebè Paylét.

Kul Nmò 4:27

Yó tendoken yóm tehe udél Dabid yó, duhen yóm lomi kestifun le bè nim benwu ni le Hirod ne Puntyus Paylét, mung kul yó kem tau là Ju le dalang se yó kem Ju. Kul atul yóm khatay le ke Jisas, yóm tau tóbóng lówóhem laen kô belenen deng hógówem elem blóng me, yóm Misaya tehe nélékem.

Kul Nmò 12:1

Bè yóm kdaw yó, yó nmò Hirod, yóm tau hol geta bè yóm benwu yó, nbuten ne hemsidek yó kem tau hemtahu bè Jisas.