Matyu 14:29 - Udél Dwata: Gna Kesfasad ne Lomi Kesfasad

²⁹ “Géhéli sen,” mon Jisas. Mung tódô kekmó Pitér ta yóm ówóng le, tódô mógów ta yóm él etu bè Jisas.

Matyu 14:29 Referans Kwoze

Flipay 4:13

Laen dù là gbeku du lemwót bè yóm kfasang Krays béléu.

Mark 9:23

Mon Jisas se mò du, “Moen de ke monem mò do, ‘Ke gbekem?’ Igoen laen dù là gbek Dwata du bè yóm tau hemtahu béléen.”

Kul Nmò 3:16

Tódô lemwót bè kfasang yóm kun boluy gónón baling wen kgisen mdà nim tau ni. Deng hónô tngón ye yóm tehe kkihoden, ne deng ton ye snéen yóm deng kkóhen, hlan me bè boluy Jisas. Tódô lemwót bè kehtahu me bè Jisas gónón bud baling hyu nim tau ni. Deng gotu ton ye se nim ni.

Kun Snulat Luk 17:6

Bnalà Jisas se, monen, “Ke bnotù tekuy yóm kehtahu ye, anien ke lómón kutiten yóm lem hulu alì lemnek bè kdéen, kaem gbek ye ne mdók nim koyu bong nii anì tódô mdó bè ni, ne mili elem mohin, tódô nimónen yu.”

Sulat Pol Ebè Yó Kem Tau Hemtahu Bè Rom 4:19

Bè yóm kdaw kfasad Dwata ke Abraham yó, móyónen gefet bè lematu ne halay Abraham, ne tódô tngónen là buden mngà. Lelen atil he Sara, yóm tuha libunen. Ewenem là kóen monol yóm kehtahuhen du yóm fasad Dwata du bè yóm angat kwen ngaen.

Matyu 21:21

Mon Jisas mò kul, “Tódô tulónu kuy ktahuhen, ke wen kehtahu ye, ne ke là megewu nawa ye, gbek ye snéen mò du yóm nmou bè nim koyu ni. Là sónen du yó gbek ye, gbek ye snéen tódô mdók nim bulul nii anì mdó bè ni, ne mili elem mohin, botong tódô nimónen yu.

Matyu 17:20

Mon Jisas se, “Abay se tolo udì kehtahu ye. Tódô tulónu kuy ktahuhen, ke bnotù tekuy yóm kehtahu ye, anien ke olon senged bè kutit yóm lem hulu boluyen mustard, botong gbek ye tódô mon du bè yóm bulul nii, ‘Milihi etuu.’ Nénégem kà tódóen mili. Laen kô dù là gbek ye du.

Matyu 14:28

Hebkó se ke Pitér, monen, “Ó Sér, ke tahu uu se yó, hógówem o edyó kun ta él.”

Matyu 14:30

Okóm timbow gnómen yóm tey kgel yóm lenos, tey sidek klikoen, ne tódô sen-gengen se tô lemneb elem él. Ne botong gdawaten Jisas, monen, “Tnóbóngem o, Sér.”