Matyu 14:27 - Udél Dwata: Gna Kesfasad ne Lomi Kesfasad

²⁷ Omin Jisas kendel mudél ebélê le, monen, “Hgel ye nawa ye dé. Ou ni. Bê ye abay hlikò.”

Matyu 14:27 Referans Kwoze

Kun Snulat Jan 16:33

Yó gónóhu eles tmulón du kuy ni kem ni anì lemwót bè yóm kessotu tekuy gónón wen kenek nawa ye. Angat tey wen gónó ye glayam lemwót bè yó kem tau là hemtahuhen,” mon Jisas, “okóm bê ye abay hlikò, abay se denge matù bélê le.”

Kul Nmò 23:11

Bè yóm kifu yó, tódô hegfan bè Pol Jisas, yóm gónóhen mogot. Mdà klohoken, monen mò du, “Hgelem nawahem, Pol. Deng tulónem o se bè ni bè Jirusalim. Senged se angat nmoem ditu bè Rom.”

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Kun Snulat Jan 6:20

Okóm mudél ebélê le Jisas, monen, “Bê ye hlikò, ou se ni.”

Matyu 17:7

Okóm mógów ebélê le Jisas, ne nenoken lu, ne monen mò kul, “Mdà ye dé. Bê ye mom hlikò.”

Matyu 9:2

Bè yóm kkól le ditu, tódô glo Jisas yóm tau deng matay sfu lówóhen, sentihang le ebéléen. Timbow ton Jisas yóm alì kehtahu le béléen, yó gónón tódô mon du ebè yóm tau matay sfu lówóhen, “Hol hgelem nawam, Man. Deng hnifótu ne yó kem salaem.”

Kun Snulat Luk 1:30

Ne bud mudél ebéléen yóm hógów Dwata, monen, “Béi mom tô hlikò, Midi, abay se tey kehyu nawahen ebéléem Dwata.

Kun Snulat Luk 1:13

Okóm yó mon yóm hógów Dwata mò du, “Béi hlikò, Sekariya. Deng gefet bè Dwata yóm gel knihem béléen. Angat mngà logi yóm tuha libunem. Yó angat boluyem du Jan.

Matyu 28:10

Mon Jisas mò kul, “Bê ye abay hlikò. Na ye e tulón dou tu kem dumuhu setwoli anì mógów le ebè Galili. Ditu he gónó le mton do.”

Kun Snulat Luk 2:10

Okóm yó mon yóm hógów Dwata mò kul, “Bê ye abay mom hlikò. Wen hyu naw e tulón kuy yóm angat hnigal kdéen tau.

Isaya 41:14

Bud mon Dwata, “Yu kem tau Israél, là kô ye hol wen se kuy ne laen kô kgis ye. Okóm hol bê ye abay hlikò, ou se tmóbóng kuy. Ou se yóm kuy Dwata kem tau Israél yóm Dwata laen dù belenen. Ou se lemwà kuy.

Matyu 14:28

Hebkó se ke Pitér, monen, “Ó Sér, ke tahu uu se yó, hógówem o edyó kun ta él.”

Matyu 28:5

Ne mudél yóm hógów Dwata ebè yó kem libun, monen, “Bê ye abay hlikò. Tngónu hnebel ye Jisas, yóm lomi tnutuk le bè kros.

Mark 6:50

abay se tódô kdê le mton du, ne tey sidek klikò le. Tódô kendel mudél ebélê le se Jisas, monen, “Hgel ye nawa ye dé, ou ni. Bê ye hlikò.”

Kun Snulat Luk 5:10

Senged se kul yó kem dumuhen hmuket nô bè yóm sotu ówóng, le Jim ne Jan, kem ngà Sibidi, tey ketnga le se kul. Ne mudél Jisas ebè Simun, monen, “Béi abay likò. Nbuten ni wen ne tles hmou kóm, hebelu uu tau mò lemolò do.”

Kun Snulat Luk 12:32

“Yu kem tau lemolò do,” mon Jisas, “balù yóm là kwen ye, bê ye abay hlikò. Abay se yóm Mà tekuy bè longit yó, tey kehyu nawahen bè yóm khomongen kuy bè yó kem tau nogoten.