Matyu 14:24 - Udél Dwata: Gna Kesfasad ne Lomi Kesfasad

²⁴ Blaem yóm ówóng snakay yó kem gel lemolò du, deng kól talak lanaw. Ya tey keglayam le nan e senlong lu yóm tey lenos bong.

Matyu 14:24 Referans Kwoze

Kun Snulat Jan 6:18

Bè yóm igò le mówóng, tódô mbel yóm tey lenos bong ne yóm tey lewók.

Mark 6:48

Ne ton Jisas yóm tey keglayam le kemwa, abay se mom senlongen lu yóm lenos. Song sut bélê le Jisas, deng móyón mwas, tódô mógów ta él ebélê le, ne lómón ke tô hekteng niusen lu.

Matyu 8:24

Bè yóm igò le mówóng talak lanaw, tódô mbel yóm tey lenos bong, ne botong tô glimun lewók yóm ówóng le. Okóm ke Jisas kun, deng mom fen tungô.

Isaya 54:11

Yó bud udél Dwata, monen, “Ó Jirusalim, balù yóm tey alì keglayamem nim kmoen ni, laen kô dù tmóbóng kóm ne laen kô dù tau hemyu nawam, angat bud hen-guléku hdà kóm. Mahe yó kem botu tilob mebtes sminang mò gónóhen mdà yó kem hehekem.

Kul Nmò 11:24

Nim Barnabas ni, tey tau hyu knawahen, sónmoen tendo galak bè Tulus Dwata, ne tey ngelem kehtahuhen. Bè yóm ktoloken bè yó, sónmoen se tendo temnù yó kem tau hemtahu bè yóm gónóhen mogot.

Kul Nmò 27:4

Timbow me bud lemwót bè yó, wen tey lenos semlong kum. Yó gónó me hmilol yóm hungul te mohin boluyen Siprus anì wen gónó me geklung bè yóm tey lenos.