Matyu 14:23 - Udél Dwata: Gna Kesfasad ne Lomi Kesfasad

²³ Timbow le deng gotu lemwót, lemwót se ke Jisas kun elem bulul tek sotuhen lanen na a mni bè Dwata. Ngangen nô bè yó lem bulul efet kifu tek sotuhen.

Matyu 14:23 Referans Kwoze

Kun Snulat Luk 6:12

Sotu kdaw bè yó, tódô mógów elem bulul Jisas anì nan e mni bè Dwata. Tódô suloyen buteng mni.

Mark 6:46

Timbow le deng gotu lemwót, lemwót se ke Jisas mógów elem bulul nan e mni bè Dwata.

Matyu 26:36

Ngang le Jisas mógów efet le kól bè yóm sotu ngà hungul koyu boluyen Gitsimani, ne mon Jisas mò yó kem gel lemolò du, “Na ye myón bè ni bè yóm igou mni bè Dwata bè tuu.”

Matyu 6:6

Okóm bélê ye kuy, ke mni ye bè Dwata, ditu lem dfél ye gónó ye mò du, ne hyu tnikeb ye beng ye, ne mni ye bè yóm Mà tekuy bè longit, yóm là ton mata du. Ne yóm Mà tekuy yó, tódô tonen yóm là kehetngón ye du bè dumu tau, ne du he angat bemlay kuy ofol.

Kul Nmò 6:4

anì yó laen dù tlek gónó me meglala bè yóm gel kni me bè Dwata, ne bè yóm gel ktulón me yóm kun udél.”

Kun Snulat Luk 9:28

Wen dô sotu fedyanen kogol yóm kmon Jisas du yóm yó koni, ominen mneged elem bulul nan e mni bè Dwata. Niten le Pitér, Jan ne Jim.

Mark 1:35

Timbow deng hayahen bè yó, hanà tolo kifu sana btik Jisas nan e mebel gónón tinof mò gónón mni ebè Dwata, bede malù mayuk yóm gónón e solu.

Kun Snulat Luk 3:21

Timbow deng kehbabtays le ke Jan yó kem tau, omin Jisas sut se kun nan e hbabtays du. Timbow deng yóm kehbabtaysen, ominen mni bè Dwata, ne tódô henmungen se hnas longit,

Kun Snulat Luk 5:16

Okóm ke Jisas, tódô gel hlana lem blóng le, hetsik sónen du na a gel mni bè Dwata.

Kun Snulat Luk 9:18

Sotu kdaw bè yó, mni bè Dwata Jisas, tek sotuhen. Sut le béléen yó kem gel lemolò du. Ne wen snólók Jisas bélê le, monen, “Tedu de kmò kehedem le dou yó kem dumu tau?”