Matyu 14:19 - Udél Dwata: Gna Kesfasad ne Lomi Kesfasad

¹⁹ Tahu se. Omin Jisas gotu hyón yó kem tau bè yóm gónón ukol bnes. Ne nwahen yóm limu botù mambang ne lewu tedek utón él, ne temngel ebè longit, mni bè Dwata. Ominen kembéng yóm mambang, ne oguhen yó kem gel lemolò du anì sagid le ebè yó kem tau.

Matyu 14:19 Referans Kwoze

Kun Snulat Luk 24:30

Bè yóm kkól le bè gónô, omin le gotu seyón mken. Ne nwa Jisas yóm mambang, ne mni bè Dwata, ne ominen kembéng du, ne sket benlayen lu.

1 Samwél 9:13

Ke deng ye kól bè yóm bak tikeb, angat ton ye gu laanen là deng lemwót eta yóm bulul udì nan e mken bè yó. Là kô le tagad mken yó kem tau deng tinok le ke là dengen kól bè yó se kun na a mni bélê le bè Dwata bè yóm dsù le. Heslò ye anì gafit ye.”

Kul Nmò 27:35

Timbow deng kudél Pol, nwahen yóm mambang ne nan mni bè Dwata bè yó lem blóng le. Deng kekbéngen du, ominen mken.

Mark 6:41

Omin Jisas ma yóm limu botù mambang ne yóm lewu tedek utón él, ne nan lengalà ebè longit, mni bè Dwata, ominen kembéng yóm mambang, ne oguhen yó kem gel lemolò du anì sagid le ebè yó kem tau. Senged se kmoen bè yóm lewu tedek utón él, nólólen bè yóm kdê le.

1 Kurin 11:24

ne nan na mni bè Dwata, ominen kembéng du, ne monen mò kul, “Nim mambang ni, ni se yóm dou lówó angat gamà bélê ye. Hol bud gel nulit ye nim deng nmò tekuy ni mò gónó ye gel hemtulón dou nawa.”

Sulat Pol Ebè Yó Kem Tau Hemtahu Bè Rom 14:6

Yóm tau ke gel wen kdaw htólóngen bè yó kem dumu kdaw, yó se mò gónón hegfan yóm kadaten ke Dwata se kun. Ne senged se yóm tau laen dù hniihen bè ken, yó se mò kun gónó hegfan yóm kadaten ke Dwata se kun, abay se sal gel dóyónen Dwata bè yóm gel kenen. Ne senged se kun yóm tau tolo wen hniihen, yó se yóm kun gónó hegfan du yóm kun kadat ke Dwata, ne gónón dmóyón du.

Kulasi 3:17

Duhen yó, bè ket nmò ye duhen ket benkó ye, hol na ye na hlan bè boluy yóm gónó tekuy mogot Jisas. Bud béléen snéen gónó ye hlan du yóm kdóyón ye ke Dwata yóm Mà tekuy.

1 Kurin 10:16

Bè yóm gel kestifun tekuy na a hemtulón nawa yóm tehe katay Jisas bélê tekuy, wen se yóm gel ninum tekuy, ne gel dóyón tekuy Dwata bè yóm ninum yó. Bè yóm kinum tekuy du, deng wen kut du ne yóm kun litô Krays. Senged se kmò tekuy bè yóm mambang bè yóm kken tekuy du, deng wen kut du ne yóm kun lówó Krays.

Kun Snulat Luk 9:14

Blaem wen dô limu libu logi bè yó. Okóm mon Jisas mò yó kem gel lemolò du, monen, “Hyón ye lu dé ni kem tau ni, ket na limu folò kmò kesbung ye kul.”

Mark 7:34

Ne lengalà ebè longit, ne hbongen knawahen, ne monen mò yóm tau yó bè kun udél, “Ephphatha.” Yó lanen, monen, “Mungoli.”

1 Kurin 10:31

Yó balau du yóm yó, nô kihu nmò tekuy, senged se bè kken tekuy duhen ke bè kinum tekuy, hol gel hlan tekuy bè yóm gónón megdóyón Dwata.

Kun Snulat Jan 6:23

Ne wen kem dumu ówóng lemwót gu bè Tibiryas dmuung moni bè yóm gónó Jisas mni bè Dwata ne hemken yó kem tau.

Mark 6:39

Omin Jisas mdók yó kem gel lemolò du anì senbung hyón le lu yó kem tau bè yóm gónón ukol bnes.

Kun Snulat Jan 11:41

Tahu se, kó le yóm botu seng bè bak lebeng. Omin Jisas temngel eta bè longit, ne monen, “Koduhem, Mà, yóm gel khungolem do.

Kun Snulat Luk 22:19

Ominen bud ma yóm mambang, ne nan bud dóyón Dwata, ominen yó kembéng du, ne blayen kul, monen mò kul, “Nim mambang kenbéngu bélê ye ni, ni se dou lówó angat gamà bélê ye. Ken ye mò gónó ye hemtulón dou nawa.”

Kun Snulat Luk 9:16

Omin Jisas ma yóm limu botù mambang ne yóm lewu tedek utón él, ne nan temngel ebè longit, ne dóyónen Dwata, ominen kembéng yóm mambang ne yóm utón él, oguhen yó kem gel lemolò du anì sagid le ebè yó kem tau.

Matyu 14:18

“Nit ye edini kun,” mon Jisas.

Kun Snulat Luk 22:17

Omin Jisas mkay yóm sotu tgayan gónón nô yóm ninum le, bede nan na mni bè Dwata, ominen mon du mò kul, “Ni sensinum ye.