Matyu 14:13 - Udél Dwata: Gna Kesfasad ne Lomi Kesfasad

¹³ Bè yóm kungol Jisas du yóm deng glumfak Jan, kewót le bè yó són lu smakay ówóng etu fatu lanaw bè yóm gónón tinof. Ne e gungol yó kem tau yóm kewót le Jisas yó, tódô le lemwót se kul gu bè kul benwu, gotu le tmonok mentad hilol lanaw na le e lenebet Jisas.

Matyu 14:13 Referans Kwoze

Matyu 12:15

Tódô tngón Jisas yóm tô khatay le du, yó gónón tmagak yóm benwu yó. Tey dê tau bud lemolò du, ne gotu hkóhen des yó kem tau semlaw.

Matyu 10:23

Ke hnayam le yu bè sotu benwu, tódô ye mlóy ebè dumu benwu. Tódô tulónu kuy ktahuhen, là kô na ye e deng gdeng du he yó kem hmou kuy bè kdê yó kem benwu bè klamangen Israél, deng sana bud kól yóm Ngà Tau.

Matyu 14:12

Lemwót lówó Jan, fen nwa yó kem gel lemolò du, ne lebeng le. Timbow deng kebeng le du, omin le mógów ebè Jisas, tulón le du kdéen.

Mark 1:35

Timbow deng hayahen bè yó, hanà tolo kifu sana btik Jisas nan e mebel gónón tinof mò gónón mni ebè Dwata, bede malù mayuk yóm gónón e solu.

Kun Snulat Luk 4:42

Tikóng deng mwas bè yó, lemwót Jisas bè yóm benwu yó na a mebel gónón tinof. Timbow le btik yó kem dumu tau, ya tey kebel le du. Bè yóm kton le du, tô ngali le anì là dog tnagaken kul.