Matyu 14:1 - Udél Dwata: Gna Kesfasad ne Lomi Kesfasad

¹ Bè yóm kdaw yó, gefet bè Hirod yóm gubérnor bè Galili, yóm gel nmò Jisas.

Matyu 14:1 Referans Kwoze

Kun Snulat Luk 3:1

Deng sfolò limu halayen ne kegen Tibiryus mogot yóm klamangen benwu. Du se yóm hol tau hol geta bélê le nô bè Rom. Yó gubérnor bè prubinsya Judiya yóm sotu tau lemwót bè Rom boluyen Puntyus Paylét. Ne hkemen ke Hirod yóm prubinsya Galili. Ne lemwót yóm twoli Hirod boluyen Filip, hkem Tibiryus du yóm lewu prubinsya boluyen Ituriya ne Trakunitis. Ne hkemen ke Lisanyas yóm sotu prubinsya boluyen Abilin.

Kul Nmò 4:27

Yó tendoken yóm tehe udél Dabid yó, duhen yóm lomi kestifun le bè nim benwu ni le Hirod ne Puntyus Paylét, mung kul yó kem tau là Ju le dalang se yó kem Ju. Kul atul yóm khatay le ke Jisas, yóm tau tóbóng lówóhem laen kô belenen deng hógówem elem blóng me, yóm Misaya tehe nélékem.

Mark 8:15

Ne wen tulón Jisas kul, bede hlanen bè hlingón, monen, “Hol ten-gama ye yóm kul bulung henok mambang yó kem Farisi, dalang se yóm ke Hirod.”

Kun Snulat Luk 23:15

Dalang se ke Hirod, yó gónóhen tódô bud hulék du edini bélê tekuy. Laen dù bang duón ye du nim tau ni ke tô mò gónó hmatay du.

Kul Nmò 12:1

Bè yóm kdaw yó, yó nmò Hirod, yóm tau hol geta bè yóm benwu yó, nbuten ne hemsidek yó kem tau hemtahu bè Jisas.

Kun Snulat Luk 3:19

Balù Gubérnor Hirod, sana kbólów Jan du yóm lanen malaw ke Hirudiyas, yóm yehen twolihen. Ne tey dê he yó kem dumu sidek nmò Hirod eddoli.

Matyu 9:26

Tódô lengeben klamangen benwu le gónón e mból yóm deng nmò Jisas yó.

Matyu 9:31

Okóm bè yóm kulék le, deng mom sensból le bè klamangen yóm benwu yó yóm deng nmò Jisas bélê le.

Matyu 13:58

Lemwót bè yóm là kehtahu le du, là holen wen hentaw ton nmò Jisas bè yó.

Kun Snulat Luk 8:3

Ne sotuhen, Juhana yehen Kusa, yóm tau bong glalen bè Hirod. Bud sotuhen, Susana ne tey wen he kem dumuhen. Lemwót bélê le yó kem mò tdof le kul le Jisas ne yó kem gel lemolò du.

Kul Nmò 13:1

Bè yó kem tau hemtahu bè syudad Antyok, wen se bélê le tódô gel tmugod ke Dwata, ne wen se bélê le hulung tmolok. Ni se boluy le: Barnabas, Simyun (yóm niba le Hitem), Lusyus (lemwót bè syudad Sayrin), ne Menain (yóm tehe dumuhen senok Gubérnor Hirod), ne Sol.